८. अक्कोसकसुत्तवण्णना

८८. अट्ठमे अक्कोसकपरिभासको अरियूपवादी सब्रह्मचारिनन्ति एत्थ सब्रह्मचारिपदं अक्कोसकपरिभासकपदेहि योजेतब्बं ‘‘अक्कोसको सब्रह्मचारीनं, परिभासको सब्रह्मचारीन’’न्ति. अरियानं पन गुणे छिन्दिस्सामीति अन्तिमवत्थुना उपवदन्तो अरियूपवादी नाम होति. सद्धम्मस्स न वोदायन्तीति सिक्खात्तयसङ्खाता सासनसद्धम्मा अस्स वोदानं न गच्छन्ति. रोगातङ्कन्ति एत्थ रोगोव किच्छाजीवितभावकरणेन आतङ्कोति वेदितब्बो.