(८) उप्पज्जमानुप्पन्नवारो

७६. (क) यस्स चित्तं उप्पज्जमानं तस्स चित्तं उप्पन्नन्ति? आमन्ता.

(ख) यस्स वा पन चित्तं उप्पन्नं तस्स चित्तं उप्पज्जमानन्ति?

चित्तस्स भङ्गक्खणे तेसं चित्तं उप्पन्नं, नो च तेसं चित्तं उप्पज्जमानं. चित्तस्स उप्पादक्खणे तेसं चित्तं उप्पन्नञ्चेव उप्पज्जमानञ्च.

(क) यस्स चित्तं न उप्पज्जमानं तस्स चित्तं न उप्पन्नन्ति?

चित्तस्स भङ्गक्खणे तेसं चित्तं न उप्पज्जमानं, नो च तेसं चित्तं न उप्पन्नं. निरोधसमापन्नानं असञ्ञसत्तानं तेसं चित्तं न चेव उप्पज्जमानं न च उप्पन्नं.

(ख) यस्स वा पन चित्तं न उप्पन्नं तस्स चित्तं न उप्पज्जमानन्ति? आमन्ता.