(७) उप्पज्जमान-ननिरोधवारो

९६. (क) यं चित्तं उप्पज्जति तं चित्तं न निरुज्झतीति? आमन्ता.

(ख) यं वा पन चित्तं न निरुज्झति तं चित्तं उप्पज्जतीति?

अतीतानागतं चित्तं न निरुज्झति, नो च तं चित्तं उप्पज्जति. उप्पादक्खणे चित्तं न निरुज्झति चेव उप्पज्जति च.

(क) यं चित्तं न उप्पज्जति तं चित्तं निरुज्झतीति?

अतीतानागतं चित्तं न उप्पज्जति, नो च तं चित्तं निरुज्झति. भङ्गक्खणे चित्तं न उप्पज्जति चेव निरुज्झति च.

(ख) यं वा पन चित्तं निरुज्झति तं चित्तं न उप्पज्जतीति? आमन्ता.