(३) तिस्सो अकुसलसञ्ञा

९११. तत्थ कतमा तिस्सो अकुसलसञ्ञा? कामसञ्ञा, ब्यापादसञ्ञा, विहिंसासञ्ञा.

(क) तत्थ कतमा कामसञ्ञा? कामपटिसंयुत्ता सञ्ञा सञ्जानना सञ्जानितत्तं – अयं वुच्चति ‘‘कामसञ्ञा’’.

(ख) तत्थ कतमा ब्यापादसञ्ञा? ब्यापादपटिसंयुत्ता सञ्ञा सञ्जानना सञ्जानितत्तं – अयं वुच्चति ‘‘ब्यापादसञ्ञा’’.

(ग) तत्थ कतमा विहिंसासञ्ञा? विहिंसापटिसंयुत्ता सञ्ञा सञ्जानना सञ्जानितत्तं – अयं वुच्चति ‘‘विहिंसासञ्ञा’’. इमा तिस्सो अकुसलसञ्ञा.