(५१) हीनोहमस्मीति मानो

८६८. तत्थ कतमो हीनोहमस्मीति मानो? इधेकच्चो जातिया वा गोत्तेन वा कोलपुत्तियेन वा वण्णपोक्खरताय वा धनेन वा अज्झेनेन वा कम्मायतनेन वा सिप्पायतनेन वा विज्जाट्ठानेन वा सुतेन वा पटिभानेन वा अञ्ञतरञ्ञतरेन वत्थुना ओमानं जप्पेति, यो एवरूपो ओमानो ओमञ्ञना ओमञ्ञितत्तं हीळना ओहीळना ओहीळितत्तं अत्तुञ्ञा अत्तवञ्ञा अत्तपरिभवो – अयं वुच्चति ‘‘हीनोहमस्मीति मानो’’.