१०. दसकमातिका

८४१. (१) दस किलेसवत्थूनि (२) दस आघातवत्थूनि (३) दस अकुसलकम्मपथा (४) दस संयोजनानि (५) दस मिच्छत्ता (६) दसवत्थुका मिच्छादिट्ठि (७) दसवत्थुका अन्तग्गाहिका दिट्ठि

दसकं.

८४२. अट्ठारस तण्हाविचरितानि अज्झत्तिकस्स उपादाय, अट्ठारस तण्हाविचरितानि बाहिरस्स उपादाय, तदेकज्झं अभिसञ्ञूहित्वा अभिसङ्खिपित्वा छत्तिंस तण्हाविचरितानि होन्ति. इति अतीतानि छत्तिंस तण्हाविचरितानि, अनागतानि छत्तिंस तण्हाविचरितानि, पच्चुप्पन्नानि छत्तिंस तण्हाविचरितानि, तदेकज्झं अभिसञ्ञूहित्वा अभिसङ्खिपित्वा अट्ठ तण्हाविचरितसतं होति. यानि च द्वासट्ठि दिट्ठिगतानि ब्रह्मजाले वेय्याकरणे वुत्तानि भगवता.

मातिका.