१०. दसकपुग्गलपञ्ञत्ति

२०९. कतमेसं पञ्चन्नं इध निट्ठा? सत्तक्खत्तुपरमस्स कोलङ्कोलस्स एकबीजिस्स सकदागामिस्स यो च दिट्ठेव धम्मे अरहा – इमेसं पञ्चन्नं इध निट्ठा.

कतमेसं पञ्चन्नं इध विहाय निट्ठा? अन्तरापरिनिब्बायिस्स उपहच्चपरिनिब्बायिस्स असङ्खारपरिनिब्बायिस्स ससङ्खारपरिनिब्बायिस्स उद्धंसोतस्स अकनिट्ठगामिनो – इमेसं पञ्चन्नं इध विहाय निट्ठाति.

एत्तावता पुग्गलानं पुग्गलपञ्ञत्तीति.

दसकनिद्देसो.

पुग्गलपञ्ञत्तिपकरणं निट्ठितं.