१-७. पटिच्चवारादि

हेतुपच्चयो

१११. परित्तारम्मणं सरणं धम्मं पटिच्च परित्तारम्मणो सरणो धम्मो उप्पज्जति हेतुपच्चया. (१)

महग्गतारम्मणं सरणं धम्मं पटिच्च महग्गतारम्मणो सरणो धम्मो उप्पज्जति हेतुपच्चया. (१) (संखित्तं.)

हेतुया द्वे…पे… अविगते द्वे (संखित्तं).

(सहजातवारेपि…पे… पञ्हावारेपि सब्बत्थ वित्थारो.)

११२. परित्तारम्मणं अरणं धम्मं पटिच्च परित्तारम्मणो अरणो धम्मो उप्पज्जति हेतुपच्चया. (१)

महग्गतारम्मणं अरणं धम्मं पटिच्च महग्गतारम्मणो अरणो धम्मो उप्पज्जति हेतुपच्चया. (१)

अप्पमाणारम्मणं अरणं धम्मं पटिच्च अप्पमाणारम्मणो अरणो धम्मो उप्पज्जति हेतुपच्चया. (१) (संखित्तं.)

हेतुया तीणि…पे… अविगते तीणि (संखित्तं).

(सहजातवारेपि…पे… पञ्हावारेपि सब्बत्थ वित्थारो.)

१४ -१००. हीनत्तिक-सरणदुकं