१-९९. कुसलत्तिक-सउत्तरदुकं

१-७. पटिच्चवारादि

पच्चयचतुक्कं

५३. कुसलं सउत्तरं धम्मं पटिच्च कुसलो सउत्तरो धम्मो उप्पज्जति हेतुपच्चया… तीणि.

अकुसलं सउत्तरं धम्मं पटिच्च अकुसलो सउत्तरो धम्मो उप्पज्जति हेतुपच्चया… तीणि.

अब्याकतं सउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया. (१)

कुसलं सउत्तरञ्च अब्याकतं सउत्तरञ्च धम्मं पटिच्च अब्याकतो सउत्तरो धम्मो उप्पज्जति हेतुपच्चया. (१)

अकुसलं सउत्तरञ्च अब्याकतं सउत्तरञ्च धम्मं पटिच्च अब्याकतो सउत्तरो धम्मो उप्पज्जति हेतुपच्चया. (१) (संखित्तं.)

५४. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

५५. कुसलो सउत्तरो धम्मो कुसलस्स सउत्तरस्स धम्मस्स हेतुपच्चयेन पच्चयो… तीणि.

अकुसलो सउत्तरो धम्मो अकुसलस्स सउत्तरस्स धम्मस्स हेतुपच्चयेन पच्चयो… तीणि.

अब्याकतो सउत्तरो धम्मो अब्याकतस्स सउत्तरस्स धम्मस्स हेतुपच्चयेन पच्चयो. (१) (संखित्तं.)

५६. हेतुया सत्त, आरम्मणे नव, अधिपतिया नव…पे… अविगते तेरस (संखित्तं).

अनुत्तरपदं

हेतु-आरम्मणपच्चया

५७. कुसलं अनुत्तरं धम्मं पटिच्च कुसलो अनुत्तरो धम्मो उप्पज्जति हेतुपच्चया. (१)

अब्याकतं अनुत्तरं धम्मं पटिच्च अब्याकतो अनुत्तरो धम्मो उप्पज्जति हेतुपच्चया. (१) (संखित्तं.)

हेतुया द्वे, आरम्मणे द्वे…पे… अविगते द्वे (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

५८. कुसलो अनुत्तरो धम्मो कुसलस्स अनुत्तरस्स धम्मस्स हेतुपच्चयेन पच्चयो. (१)

अब्याकतो अनुत्तरो धम्मो अब्याकतस्स अनुत्तरस्स धम्मस्स हेतुपच्चयेन पच्चयो. (१)

अब्याकतो अनुत्तरो धम्मो अब्याकतस्स अनुत्तरस्स धम्मस्स आरम्मणपच्चयेन पच्चयो. (१)

अब्याकतो अनुत्तरो धम्मो कुसलस्स अनुत्तरस्स धम्मस्स आरम्मणपच्चयेन पच्चयो. (१) (संखित्तं.)

५९. हेतुया द्वे, आरम्मणे द्वे, अधिपतिया तीणि, अनन्तरे द्वे…पे… अविगते द्वे (संखित्तं).

(यथा कुसलत्तिके पञ्हावारं, एवं वित्थारेतब्बं.)

१-१००. कुसलत्तिक-सरणदुकं

१-७. पटिच्चवारादि

पच्चयचतुक्कं

६०. अकुसलं सरणं धम्मं पटिच्च अकुसलो सरणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

६१. कुसलं अरणं धम्मं पटिच्च कुसलो अरणो धम्मो उप्पज्जति हेतुपच्चया… तीणि.

अब्याकतं अरणं धम्मं पटिच्च अब्याकतो अरणो धम्मो उप्पज्जति हेतुपच्चया. (१)

कुसलं अरणञ्च अब्याकतं अरणञ्च धम्मं पटिच्च अब्याकतो अरणो धम्मो उप्पज्जति हेतुपच्चया. (१)

कुसलं अरणं धम्मं पटिच्च कुसलो अरणो धम्मो उप्पज्जति आरम्मणपच्चया. (१)

अब्याकतं अरणं धम्मं पटिच्च अब्याकतो अरणो धम्मो उप्पज्जति आरम्मणपच्चया. (१) (संखित्तं.)

६२. हेतुया पञ्च, आरम्मणे द्वे…पे… अविगते पञ्च (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

६३. कुसलो अरणो धम्मो कुसलस्स अरणस्स धम्मस्स हेतुपच्चयेन पच्चयो… तीणि.

अब्याकतो अरणो धम्मो अब्याकतस्स अरणस्स धम्मस्स हेतुपच्चयेन पच्चयो. (१) (संखित्तं.)

६४. हेतुया चत्तारि, आरम्मणे चत्तारि…पे… अविगते सत्त (संखित्तं).

(यथा कुसलत्तिके पञ्हावारं, एवं वित्थारेतब्बं.)

कुसलत्तिकपिट्ठिदुकं निट्ठितं.

२-१००. वेदनात्तिक-सरणदुकं

१-७. पटिच्चवारादि

पच्चयचतुक्कं

६५. सुखाय वेदनाय सम्पयुत्तं सरणं धम्मं पटिच्च सुखाय वेदनाय सम्पयुत्तो सरणो धम्मो उप्पज्जति हेतुपच्चया. (१)

दुक्खाय वेदनाय सम्पयुत्तं सरणं धम्मं पटिच्च दुक्खाय वेदनाय सम्पयुत्तो सरणो धम्मो उप्पज्जति हेतुपच्चया. (१)

अदुक्खमसुखाय वेदनाय सम्पयुत्तं सरणं धम्मं पटिच्च अदुक्खमसुखाय वेदनाय सम्पयुत्तो सरणो धम्मो उप्पज्जति हेतुपच्चया. (१) (संखित्तं.)

६६. हेतुया तीणि…पे… अविगते तीणि (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

६७. सुखाय वेदनाय सम्पयुत्तो सरणो धम्मो सुखाय वेदनाय सम्पयुत्तस्स सरणस्स धम्मस्स हेतुपच्चयेन पच्चयो. (१)

दुक्खाय वेदनाय सम्पयुत्तो सरणो धम्मो दुक्खाय वेदनाय सम्पयुत्तस्स सरणस्स धम्मस्स हेतुपच्चयेन पच्चयो. (१)

अदुक्खमसुखाय वेदनाय सम्पयुत्तो सरणो धम्मो अदुक्खमसुखाय वेदनाय सम्पयुत्तस्स सरणस्स धम्मस्स हेतुपच्चयेन पच्चयो. (१) (संखित्तं.)

६८. हेतुया तीणि, आरम्मणे नव…पे… अविगते तीणि (संखित्तं. यथा कुसलत्तिके पञ्हावारं, एवं वित्थारेतब्बं).

अरणपदं

हेतुपच्चयो

६९. सुखाय वेदनाय सम्पयुत्तं अरणं धम्मं पटिच्च सुखाय वेदनाय सम्पयुत्तो अरणो धम्मो उप्पज्जति हेतुपच्चया.

अदुक्खमसुखाय वेदनाय सम्पयुत्तं अरणं धम्मं पटिच्च अदुक्खमसुखाय वेदनाय सम्पयुत्तो अरणो धम्मो उप्पज्जति हेतुपच्चया (संखित्तं).

हेतुया द्वे, आरम्मणे तीणि…पे… अविगते तीणि (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं).

७०. सुखाय वेदनाय सम्पयुत्तो अरणो धम्मो सुखाय वेदनाय सम्पयुत्तस्स अरणस्स धम्मस्स हेतुपच्चयेन पच्चयो. (१)

अदुक्खमसुखाय वेदनाय सम्पयुत्तो अरणो धम्मो अदुक्खमसुखाय वेदनाय सम्पयुत्तस्स अरणस्स धम्मस्स हेतुपच्चयेन पच्चयो. (१) (संखित्तं.)

७१. हेतुया द्वे, आरम्मणे छ…पे… अविगते तीणि (संखित्तं).

(यथा कुसलत्तिके पञ्हावारं, एवं वित्थारेतब्बं.)

३-१००. विपाकत्तिक-सरणदुकं

१-७. पटिच्चवारादि

पच्चयचतुक्कं

७२. विपाकधम्मधम्मं सरणं धम्मं पटिच्च विपाकधम्मधम्मो सरणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

७३. विपाकं अरणं धम्मं पटिच्च विपाको अरणो धम्मो उप्पज्जति हेतुपच्चया… तीणि.

विपाकधम्मधम्मं अरणं धम्मं पटिच्च विपाकधम्मधम्मो अरणो धम्मो उप्पज्जति हेतुपच्चया… तीणि.

नेवविपाकनविपाकधम्मधम्मं अरणं धम्मं पटिच्च नेवविपाकनविपाकधम्मधम्मो अरणो धम्मो उप्पज्जति हेतुपच्चया… तीणि.

विपाकं अरणञ्च नेवविपाकनविपाकधम्मधम्मं अरणञ्च धम्मं पटिच्च विपाको अरणो धम्मो उप्पज्जति हेतुपच्चया… तीणि.

विपाकधम्मधम्मं अरणञ्च नेवविपाकनविपाकधम्मधम्मं अरणञ्च धम्मं पटिच्च नेवविपाकनविपाकधम्मधम्मो अरणो धम्मो उप्पज्जति हेतुपच्चया. (१) (संखित्तं.)

७४. हेतुया तेरस, आरम्मणे पञ्च…पे… अविगते तेरस (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

७५. विपाको अरणो धम्मो विपाकस्स अरणस्स धम्मस्स हेतुपच्चयेन पच्चयो… तीणि.

विपाकधम्मधम्मो अरणो धम्मो विपाकधम्मधम्मस्स अरणस्स धम्मस्स हेतुपच्चयेन पच्चयो… तीणि.

नेवविपाकनविपाकधम्मधम्मो अरणो धम्मो नेवविपाकनविपाकधम्मधम्मस्स अरणस्स धम्मस्स हेतुपच्चयेन पच्चयो. (१) (संखित्तं.)

७६. हेतुया सत्त, आरम्मणे नव…पे… अविगते तेरस (संखित्तं).

(यथा कुसलत्तिके पञ्हावारं, एवं वित्थारेतब्बं.)

४-१००. उपादिन्नत्तिक-सरणदुकं

१-७. पटिच्चवारादि

पच्चयचतुक्कं

हेतुपच्चयो

७७. अनुपादिन्नुपादानियं सरणं धम्मं पटिच्च अनुपादिन्नुपादानियो सरणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं).

७८. उपादिन्नुपादानियं अरणं धम्मं पटिच्च उपादिन्नुपादानियो अरणो धम्मो उप्पज्जति हेतुपच्चया… तीणि.

अनुपादिन्नुपादानियं अरणं धम्मं पटिच्च अनुपादिन्नुपादानियो अरणो धम्मो उप्पज्जति हेतुपच्चया. (१)

अनुपादिन्नअनुपादानियं अरणं धम्मं पटिच्च अनुपादिन्नअनुपादानियो अरणो धम्मो उप्पज्जति हेतुपच्चया… तीणि.

उपादिन्नुपादानियं अरणञ्च अनुपादिन्नुपादानियं अरणञ्च धम्मं पटिच्च अनुपादिन्नुपादानियो अरणो धम्मो उप्पज्जति हेतुपच्चया. (१)

अनुपादिन्नुपादानियं अरणञ्च अनुपादिन्नअनुपादानियं अरणञ्च धम्मं पटिच्च अनुपादिन्नुपादानियो अरणो धम्मो उप्पज्जति हेतुपच्चया. (१) (संखित्तं.)

७९. हेतुया नव, आरम्मणे तीणि…पे… अविगते नव (संखित्तं). (सहजातवारम्पि…पे… सम्पयुत्तवारम्पि पटिच्चवारसदिसं).

८०. उपादिन्नुपादानियो अरणो धम्मो उपादिन्नुपादानियस्स अरणस्स धम्मस्स हेतुपच्चयेन पच्चयो… तीणि.

अनुपादिन्नुपादानियो अरणो धम्मो अनुपादिन्नुपादानियस्स अरणस्स धम्मस्स हेतुपच्चयेन पच्चयो. (१)

अनुपादिन्नअनुपादानियो अरणो धम्मो अनुपादिन्नअनुपादानियस्स अरणस्स धम्मस्स हेतुपच्चयेन पच्चयो… तीणि (संखित्तं).

८१. हेतुया सत्त, आरम्मणे छ…पे… अविगते तेवीस.

(संखित्तं. यथा कुसलत्तिके पञ्हावारं, एवं वित्थारेतब्बं.)

५-१००. संकिलिट्ठत्तिक-सरणदुकं

१-७. पटिच्चवारादि

पच्चयचतुक्कं

हेतुपच्चयो

८२. संकिलिट्ठसंकिलेसिकं सरणं धम्मं पटिच्च संकिलिट्ठसंकिलेसिको सरणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

८३. असंकिलिट्ठसंकिलेसिकं अरणं धम्मं पटिच्च असंकिलिट्ठसंकिलेसिको अरणो धम्मो उप्पज्जति हेतुपच्चया. (१)

असंकिलिट्ठअसंकिलेसिकं अरणं धम्मं पटिच्च असंकिलिट्ठअसंकिलेसिको अरणो धम्मो उप्पज्जति हेतुपच्चया… तीणि.

असंकिलिट्ठसंकिलेसिकं अरणञ्च असंकिलिट्ठअसंकिलेसिकं अरणञ्च धम्मं पटिच्च असंकिलिट्ठसंकिलेसिको अरणो धम्मो उप्पज्जति हेतुपच्चया. (१) (संखित्तं.)

८४. हेतुया पञ्च, आरम्मणे द्वे…पे… अविगते पञ्च (संखित्तं). (सहजातवारम्पि…पे… सम्पयुत्तवारम्पि पटिच्चवारसदिसं).

८५. असंकिलिट्ठसंकिलेसिको अरणो धम्मो असंकिलिट्ठसंकिलेसिकस्स अरणस्स धम्मस्स हेतुपच्चयेन पच्चयो. (१)

असंकिलिट्ठअसंकिलेसिको अरणो धम्मो असंकिलिट्ठअसंकिलेसिकस्स अरणस्स धम्मस्स हेतुपच्चयेन पच्चयो… तीणि (संखित्तं).

८६. हेतुया चत्तारि, आरम्मणे तीणि…पे… अविगते सत्त (संखित्तं).

(यथा कुसलत्तिके पञ्हावारं, एवं वित्थारेतब्बं.)

६-१००. वितक्कत्तिक-सरणदुकं

१-७. पटिच्चवारादि

पच्चयचतुक्कं

हेतुपच्चयो

८७. सवितक्कसविचारं सरणं धम्मं पटिच्च सवितक्कसविचारो सरणो धम्मो उप्पज्जति हेतुपच्चया. सवितक्कसविचारं सरणं धम्मं पटिच्च अवितक्कविचारमत्तो सरणो धम्मो उप्पज्जति हेतुपच्चया. सवितक्कसविचारं सरणं धम्मं पटिच्च सवितक्कसविचारो सरणो च अवितक्कविचारमत्तो सरणो च धम्मा उप्पज्जन्ति हेतुपच्चया. (३)

अवितक्कविचारमत्तं सरणं धम्मं पटिच्च सवितक्कसविचारो सरणो धम्मो उप्पज्जति हेतुपच्चया. (१)

सवितक्कसविचारं सरणञ्च अवितक्कविचारमत्तं सरणञ्च धम्मं पटिच्च सवितक्कसविचारो सरणो धम्मो उप्पज्जति हेतुपच्चया. (१) (संखित्तं.)

८८. हेतुया पञ्च…पे… अविगते पञ्च (संखित्तं).

(सहजातवारेपि…पे… पञ्हावारेपि सब्बत्थ वित्थारो.)

८९. सवितक्कसविचारं अरणं धम्मं पटिच्च सवितक्कसविचारो अरणो धम्मो उप्पज्जति हेतुपच्चया… सत्त.

अवितक्कविचारमत्तं अरणं धम्मं पटिच्च अवितक्कविचारमत्तो अरणो धम्मो उप्पज्जति हेतुपच्चया … पञ्च.

अवितक्कअविचारं अरणं धम्मं पटिच्च अवितक्कअविचारो अरणो धम्मो उप्पज्जति हेतुपच्चया (संखित्तं).

९०. हेतुया सत्ततिंस…पे… अविगते सत्ततिंस (संखित्तं). (सहजातवारम्पि…पे… पञ्हावारम्पि वित्थारेतब्बं).

७-१००. पीतित्तिक-सरणदुकं

१-७. पटिच्चवारादि

पच्चयचतुक्कं

९१. पीतिसहगतं सरणं धम्मं पटिच्च पीतिसहगतो सरणो धम्मो उप्पज्जति हेतुपच्चया… तीणि.

सुखसहगतं सरणं धम्मं पटिच्च सुखसहगतो सरणो धम्मो उप्पज्जति हेतुपच्चया… तीणि.

उपेक्खासहगतं सरणं धम्मं पटिच्च उपेक्खासहगतो सरणो धम्मो उप्पज्जति हेतुपच्चया. (१)

पीतिसहगतं सरणञ्च सुखसहगतं सरणञ्च धम्मं पटिच्च पीतिसहगतो सरणो धम्मो उप्पज्जति हेतुपच्चया… तीणि (संखित्तं).

हेतुया दस…पे… अविगते दस (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

९२. पीतिसहगतो सरणो धम्मो पीतिसहगतस्स सरणस्स धम्मस्स हेतुपच्चयेन पच्चयो… तीणि.

सुखसहगतो सरणो धम्मो सुखसहगतस्स सरणस्स धम्मस्स हेतुपच्चयेन पच्चयो… तीणि.

उपेक्खासहगतो सरणो धम्मो उपेक्खासहगतस्स सरणस्स धम्मस्स हेतुपच्चयेन पच्चयो. (१)

पीतिसहगतो सरणो च सुखसहगतो सरणो च धम्मा पीतिसहगतस्स सरणस्स धम्मस्स हेतुपच्चयेन पच्चयो… तीणि (संखित्तं).

९३. हेतुया दस, आरम्मणे सोळस…पे… अविगते दस (संखित्तं). (यथा कुसलत्तिके पञ्हावारं, एवं वित्थारेतब्बं).

९४. पीतिसहगतं अरणं धम्मं पटिच्च पीतिसहगतो अरणो धम्मो उप्पज्जति हेतुपच्चया (संखित्तं).

हेतुया दस…पे… अविगते दस (संखित्तं).

(सहजातवारेपि…पे… पञ्हावारेपि तत्तकाव पञ्हा.)

८-१००. दस्सनत्तिक-सरणदुकं

१-७. पटिच्चवारादि

पच्चयचतुक्कं

९५. दस्सनेन पहातब्बं सरणं धम्मं पटिच्च दस्सनेन पहातब्बो सरणो धम्मो उप्पज्जति हेतुपच्चया. (१)

भावनाय पहातब्बं सरणं धम्मं पटिच्च भावनाय पहातब्बो सरणो धम्मो उप्पज्जति हेतुपच्चया. (१) (संखित्तं.)

हेतुया द्वे…पे… अविगते द्वे (संखित्तं).

(सहजातवारेपि…पे… पञ्हावारेपि सब्बत्थ वित्थारो.)