१-७. पटिच्चवारादि

हेतुपच्चयो

११३. हीनं सरणं धम्मं पटिच्च हीनो सरणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

११४. मज्झिमं अरणं धम्मं पटिच्च मज्झिमो अरणो धम्मो उप्पज्जति हेतुपच्चया. (१)

पणीतं अरणं धम्मं पटिच्च पणीतो अरणो धम्मो उप्पज्जति हेतुपच्चया… तीणि.

मज्झिमं अरणञ्च पणीतं अरणञ्च धम्मं पटिच्च मज्झिमो अरणो धम्मो उप्पज्जति हेतुपच्चया. (१) (संखित्तं.)

हेतुया पञ्च…पे… अविगते पञ्च (संखित्तं).

(सहजातवारेपि…पे… पञ्हावारेपि सब्बत्थ वित्थारो.)