१-७. पटिच्चवारादि
हेतुपच्चयो
१०८. परित्तं सरणं धम्मं पटिच्च परित्तो सरणो धम्मो उप्पज्जति हेतुपच्चया (संखित्तं).
हेतुया एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
१०९. परित्तं अरणं धम्मं पटिच्च परित्तो अरणो धम्मो उप्पज्जति हेतुपच्चया… तीणि.
महग्गतं अरणं धम्मं पटिच्च महग्गतो अरणो धम्मो उप्पज्जति हेतुपच्चया… तीणि.
अप्पमाणं अरणं धम्मं पटिच्च अप्पमाणो अरणो धम्मो उप्पज्जति हेतुपच्चया… तीणि.
परित्तं अरणञ्च महग्गतं अरणञ्च धम्मं पटिच्च परित्तो अरणो धम्मो उप्पज्जति हेतुपच्चया… तीणि.
परित्तं अरणञ्च अप्पमाणं अरणञ्च धम्मं पटिच्च परित्तो अरणो धम्मो उप्पज्जति हेतुपच्चया. (१) (संखित्तं.)
११०. हेतुया तेरस, आरम्मणे पञ्च…पे… अविगते तेरस.
(संखित्तं. सहजातवारेपि …पे… पञ्हावारेपि सब्बत्थ वित्थारो.)