१-७. पटिच्चवारादि
पच्चयचतुक्कं
हेतुपच्चयो
२७१. कुसलं हेतुञ्चेव हेतुसम्पयुत्तञ्च धम्मं पटिच्च कुसलो हेतु चेव हेतुसम्पयुत्तो च धम्मो उप्पज्जति हेतुपच्चया. (१)
अकुसलं हेतुञ्चेव हेतुसम्पयुत्तञ्च धम्मं पटिच्च अकुसलो हेतु चेव हेतुसम्पयुत्तो च धम्मो उप्पज्जति हेतुपच्चया. (१)
अब्याकतं हेतुञ्चेव हेतुसम्पयुत्तञ्च धम्मं पटिच्च अब्याकतो हेतु चेव हेतुसम्पयुत्तो च धम्मो उप्पज्जति हेतुपच्चया (संखित्तं).
२७२. हेतुया तीणि…पे… अविगते तीणि (संखित्तं).
नअधिपतिया तीणि (संखित्तं).
हेतुपच्चया नअधिपतिया तीणि (संखित्तं).
नअधिपतिपच्चया हेतुया तीणि (संखित्तं).
(सहजातवारम्पि…पे… सम्पयुत्तवारम्पि पटिच्चवारसदिसं.)
हेतु-आरम्मणपच्चया
२७३. कुसलो हेतु चेव हेतुसम्पयुत्तो च धम्मो कुसलस्स हेतुस्स चेव हेतुसम्पयुत्तस्स च धम्मस्स हेतुपच्चयेन पच्चयो. (१)
अकुसलो हेतु चेव हेतुसम्पयुत्तो च धम्मो अकुसलस्स हेतुस्स चेव हेतुसम्पयुत्तस्स च धम्मस्स हेतुपच्चयेन पच्चयो. (१)
अब्याकतो हेतु चेव हेतुसम्पयुत्तो च धम्मो अब्याकतस्स हेतुस्स चेव हेतुसम्पयुत्तस्स च धम्मस्स हेतुपच्चयेन पच्चयो. (१)
कुसलो हेतु चेव हेतुसम्पयुत्तो च धम्मो कुसलस्स हेतुस्स चेव हेतुसम्पयुत्तस्स च धम्मस्स आरम्मणपच्चयेन पच्चयो (संखित्तं).
२७४. हेतुया तीणि, आरम्मणे नव, अधिपतिया सत्त, अनन्तरे पञ्च…पे… अविगते तीणि (संखित्तं).
नहेतुया नव, नआरम्मणे नव (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे नव (संखित्तं).
(यथा कुसलत्तिके पञ्हावारं, एवं वित्थारेतब्बं.)