१-७. पटिच्चवारादि
पच्चयचतुक्कं
हेतुपच्चयो
२६३. कुसलं हेतुञ्चेव सहेतुकञ्च धम्मं पटिच्च कुसलो हेतु चेव सहेतुको च धम्मो उप्पज्जति हेतुपच्चया. (१)
अकुसलं हेतुञ्चेव सहेतुकञ्च धम्मं पटिच्च अकुसलो हेतु चेव सहेतुको च धम्मो उप्पज्जति हेतुपच्चया. (१)
अब्याकतं हेतुञ्चेव सहेतुकञ्च धम्मं पटिच्च अब्याकतो हेतु चेव सहेतुको च धम्मो उप्पज्जति हेतुपच्चया. (१) (संखित्तं.)
२६४. हेतुया तीणि, आरम्मणे तीणि…पे… अविगते तीणि (संखित्तं).
नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नविपाके तीणि, नविप्पयुत्ते तीणि (संखित्तं).
(सहजातवारम्पि…पे… सम्पयुत्तवारम्पि पटिच्चवारसदिसं.)
हेतु-आरम्मण-अधिपतिपच्चया
२६५. कुसलो हेतु चेव सहेतुको च धम्मो कुसलस्स हेतुस्स चेव सहेतुकस्स च धम्मस्स हेतुपच्चयेन पच्चयो. (१)
अकुसलो हेतु चेव सहेतुको च धम्मो अकुसलस्स हेतुस्स चेव सहेतुकस्स च धम्मस्स हेतुपच्चयेन पच्चयो. (१)
अब्याकतो हेतु चेव सहेतुको च धम्मो अब्याकतस्स हेतुस्स चेव सहेतुकस्स च धम्मस्स हेतुपच्चयेन पच्चयो. (१)
कुसलो हेतु चेव सहेतुको च धम्मो कुसलस्स हेतुस्स चेव सहेतुकस्स च धम्मस्स आरम्मणपच्चयेन पच्चयो. कुसलो हेतु चेव सहेतुको च धम्मो अकुसलस्स हेतुस्स चेव सहेतुकस्स च धम्मस्स आरम्मणपच्चयेन पच्चयो. कुसलो हेतु चेव सहेतुको च धम्मो अब्याकतस्स हेतुस्स चेव सहेतुकस्स च धम्मस्स आरम्मणपच्चयेन पच्चयो. (३)
अकुसलो हेतु चेव सहेतुको च धम्मो अकुसलस्स हेतुस्स चेव सहेतुकस्स च धम्मस्स आरम्मणपच्चयेन पच्चयो… तीणि.
अब्याकतो हेतु चेव सहेतुको च धम्मो अब्याकतस्स हेतुस्स चेव सहेतुकस्स च धम्मस्स आरम्मणपच्चयेन पच्चयो… तीणि.
कुसलो हेतु चेव सहेतुको च धम्मो कुसलस्स हेतुस्स चेव सहेतुकस्स च धम्मस्स अधिपतिपच्चयेन पच्चयो… तीणि.
अकुसलो हेतु चेव सहेतुको च धम्मो अकुसलस्स हेतुस्स चेव सहेतुकस्स च धम्मस्स अधिपतिपच्चयेन पच्चयो. (१)
अब्याकतो हेतु चेव सहेतुको च धम्मो अब्याकतस्स हेतुस्स चेव सहेतुकस्स च धम्मस्स अधिपतिपच्चयेन पच्चयो… तीणि (संखित्तं).
२६६. हेतुया तीणि, आरम्मणे नव, अधिपतिया सत्त, अनन्तरे पञ्च, समनन्तरे पञ्च, सहजाते तीणि…पे… उपनिस्सये नव…पे… अविगते तीणि (संखित्तं).
नहेतुया नव, नआरम्मणे नव (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे नव (संखित्तं).
(यथा कुसलत्तिके पञ्हावारं, एवं वित्थारेतब्बं.)