१-७. पटिच्चवारादि

पच्चयचतुक्कं

हेतुपच्चयो

२६७. कुसलं सहेतुकञ्चेव न च हेतुं धम्मं पटिच्च कुसलो सहेतुको चेव न च हेतु धम्मो उप्पज्जति हेतुपच्चया. (१)

अकुसलं सहेतुकञ्चेव न च हेतुं धम्मं पटिच्च अकुसलो सहेतुको चेव न च हेतु धम्मो उप्पज्जति हेतुपच्चया. (१)

अब्याकतं सहेतुकञ्चेव न च हेतुं धम्मं पटिच्च अब्याकतो सहेतुको चेव न च हेतु धम्मो उप्पज्जति हेतुपच्चया (संखित्तं).

२६८. हेतुया तीणि, आरम्मणे तीणि…पे… अविगते तीणि (संखित्तं).

नअधिपतिया तीणि…पे… नविप्पयुत्ते तीणि (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

आरम्मणपच्चयो

२६९. कुसलो सहेतुको चेव न च हेतु धम्मो कुसलस्स सहेतुकस्स चेव न च हेतुस्स धम्मस्स आरम्मणपच्चयेन पच्चयो… तीणि.

अकुसलो सहेतुको चेव न च हेतु धम्मो अकुसलस्स सहेतुकस्स चेव न च हेतुस्स धम्मस्स आरम्मणपच्चयेन पच्चयो… तीणि.

अब्याकतो सहेतुको चेव न च हेतु धम्मो अब्याकतस्स सहेतुकस्स चेव न च हेतुस्स धम्मस्स आरम्मणपच्चयेन पच्चयो… तीणि (संखित्तं).

२७०. आरम्मणे नव, अधिपतिया सत्त, अनन्तरे पञ्च…पे… सहजाते तीणि…पे… उपनिस्सये नव…पे… अविगते तीणि (संखित्तं).

नहेतुया नव, नआरम्मणे नव (संखित्तं).

आरम्मणपच्चया नहेतुया नव (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारं, एवं वित्थारेतब्बं.)