१-७. पटिच्चवारादि
पच्चयचतुक्कं
हेतुपच्चयो
२४४. कुसलं सहेतुकं धम्मं पटिच्च कुसलो सहेतुको धम्मो उप्पज्जति हेतुपच्चया. (१)
अकुसलं सहेतुकं धम्मं पटिच्च अकुसलो सहेतुको धम्मो उप्पज्जति हेतुपच्चया. (१)
अब्याकतं सहेतुकं धम्मं पटिच्च अब्याकतो सहेतुको धम्मो उप्पज्जति हेतुपच्चया. (१) (संखित्तं.)
२४५. हेतुया तीणि…पे… अविगते तीणि (संखित्तं).
नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते तीणि.
हेतुपच्चया नअधिपतिया तीणि (संखित्तं).
नअधिपतिपच्चया हेतुया तीणि (संखित्तं).
(सहजातवारम्पि…पे… सम्पयुत्तवारम्पि पटिच्चवारसदिसं.)
हेतु-आरम्मणपच्चया
२४६. कुसलो सहेतुको धम्मो कुसलस्स सहेतुकस्स धम्मस्स हेतुपच्चयेन पच्चयो. (१)
अकुसलो सहेतुको धम्मो अकुसलस्स सहेतुकस्स धम्मस्स हेतुपच्चयेन पच्चयो. (१)
अब्याकतो सहेतुको धम्मो अब्याकतस्स सहेतुकस्स धम्मस्स हेतुपच्चयेन पच्चयो. (१)
कुसलो सहेतुको धम्मो कुसलस्स सहेतुकस्स धम्मस्स आरम्मणपच्चयेन पच्चयो. कुसलो सहेतुको धम्मो अकुसलस्स सहेतुकस्स धम्मस्स आरम्मणपच्चयेन पच्चयो. कुसलो सहेतुको धम्मो अब्याकतस्स सहेतुकस्स धम्मस्स आरम्मणपच्चयेन पच्चयो. (३)
अकुसलो सहेतुको धम्मो अकुसलस्स सहेतुकस्स धम्मस्स आरम्मणपच्चयेन पच्चयो… तीणि. (३)
अब्याकतो सहेतुको धम्मो अब्याकतस्स सहेतुकस्स धम्मस्स आरम्मणपच्चयेन पच्चयो… तीणि. (३)
कुसलो सहेतुको धम्मो कुसलस्स सहेतुकस्स धम्मस्स अधिपतिपच्चयेन पच्चयो (संखित्तं).
२४७. हेतुया तीणि, आरम्मणे नव, अधिपतिया सत्त, अनन्तरे पञ्च, समनन्तरे पञ्च, सहजाते तीणि, अञ्ञमञ्ञे तीणि, निस्सये तीणि, उपनिस्सये नव…पे… अविगते तीणि (संखित्तं).
नहेतुया नव, नआरम्मणे नव (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे नव (संखित्तं).
(यथा कुसलत्तिके पञ्हावारं, एवं वित्थारेतब्बं.)