१-७. पटिच्चवारादि

पच्चयचतुक्कं

हेतुआरम्मणपच्चया

२४८. अकुसलं अहेतुकं धम्मं पटिच्च अब्याकतो अहेतुको धम्मो उप्पज्जति हेतुपच्चया. (१)

अब्याकतं अहेतुकं धम्मं पटिच्च अब्याकतो अहेतुको धम्मो उप्पज्जति हेतुपच्चया. (१)

अकुसलं अहेतुकञ्च अब्याकतं अहेतुकञ्च धम्मं पटिच्च अब्याकतो अहेतुको धम्मो उप्पज्जति हेतुपच्चया. (१)

अब्याकतं अहेतुकं धम्मं पटिच्च अब्याकतो अहेतुको धम्मो उप्पज्जति आरम्मणपच्चया. (१) (संखित्तं.)

२४९. हेतुया तीणि, आरम्मणे एकं, अधिपतिया एकं…पे… अविगते तीणि (संखित्तं).

पच्चनीयं

नहेतु-नआरम्मणपच्चया

अब्याकतं अहेतुकं धम्मं पटिच्च अब्याकतो अहेतुको धम्मो उप्पज्जति नहेतुपच्चया. (१)

अकुसलं अहेतुकं धम्मं पटिच्च अब्याकतो अहेतुको धम्मो उप्पज्जति नआरम्मणपच्चया. (१)

अब्याकतं अहेतुकं धम्मं पटिच्च अब्याकतो अहेतुको धम्मो उप्पज्जति नआरम्मणपच्चया. (१)

अकुसलं अहेतुकञ्च अब्याकतं अहेतुकञ्च धम्मं पटिच्च अब्याकतो अहेतुको धम्मो उप्पज्जति नआरम्मणपच्चया. (१) (संखित्तं.)

२५०. नहेतुया एकं, नआरम्मणे तीणि, नअधिपतिया तीणि…पे… नोविगते तीणि (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे एकं (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

हेतु-आरम्मणपच्चयादि

२५१. अकुसलो अहेतुको धम्मो अब्याकतस्स अहेतुकस्स धम्मस्स हेतुपच्चयेन पच्चयो. (१)

अकुसलो अहेतुको धम्मो अकुसलस्स अहेतुकस्स धम्मस्स आरम्मणपच्चयेन पच्चयो. अकुसलो अहेतुको धम्मो अब्याकतस्स अहेतुकस्स धम्मस्स आरम्मणपच्चयेन पच्चयो. (२)

अब्याकतो अहेतुको धम्मो अब्याकतस्स अहेतुकस्स धम्मस्स आरम्मणपच्चयेन पच्चयो. अब्याकतो अहेतुको धम्मो अकुसलस्स अहेतुकस्स धम्मस्स आरम्मणपच्चयेन पच्चयो. (२)

अकुसलो अहेतुको धम्मो अकुसलस्स अहेतुकस्स धम्मस्स अनन्तरपच्चयेन पच्चयो. अकुसलो अहेतुको धम्मो अब्याकतस्स अहेतुकस्स धम्मस्स अनन्तरपच्चयेन पच्चयो. (२)

अब्याकतो अहेतुको धम्मो अब्याकतस्स अहेतुकस्स धम्मस्स अनन्तरपच्चयेन पच्चयो. अब्याकतो अहेतुको धम्मो अकुसलस्स अहेतुकस्स धम्मस्स अनन्तरपच्चयेन पच्चयो…पे…. (२)

अकुसलो अहेतुको धम्मो अकुसलस्स अहेतुकस्स धम्मस्स उपनिस्सयपच्चयेन पच्चयो (संखित्तं).

२५२. हेतुया एकं, आरम्मणे चत्तारि, अनन्तरे चत्तारि, समनन्तरे चत्तारि, सहजाते तीणि, अञ्ञमञ्ञे एकं, निस्सये चत्तारि, उपनिस्सये चत्तारि (संखित्तं).

नहेतुया पञ्च, नआरम्मणे पञ्च, नअधिपतिया पञ्च (संखित्तं).

हेतुपच्चया नआरम्मणे एकं (संखित्तं).

नहेतुपच्चया आरम्मणे चत्तारि (संखित्तं).

(यथा कुसलत्तिके पञ्हावारं, एवं वित्थारेतब्बं.)