१-७. पटिच्चवारादि
पच्चयचतुक्कं
हेतुपच्चयो
२३१. अज्झत्तारम्मणं हेतुं धम्मं पटिच्च अज्झत्तारम्मणो हेतु धम्मो उप्पज्जति हेतुपच्चया. (१)
बहिद्धारम्मणं हेतुं धम्मं पटिच्च बहिद्धारम्मणो हेतु धम्मो उप्पज्जति हेतुपच्चया. (१) (संखित्तं.)
२३२. हेतुया द्वे, आरम्मणे द्वे…पे… अविगते द्वे (संखित्तं).
नअधिपतिया द्वे, नपुरेजाते द्वे, नपच्छाजाते द्वे, नआसेवने द्वे, नविपाके द्वे, नविप्पयुत्ते द्वे (संखित्तं).
(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)
हेतु-आरम्मणपच्चया
२३३. अज्झत्तारम्मणो हेतु धम्मो अज्झत्तारम्मणस्स हेतुस्स धम्मस्स हेतुपच्चयेन पच्चयो. (१)
बहिद्धारम्मणो हेतु धम्मो बहिद्धारम्मणस्स हेतुस्स धम्मस्स हेतुपच्चयेन पच्चयो. (१)
अज्झत्तारम्मणो हेतु धम्मो अज्झत्तारम्मणस्स हेतुस्स धम्मस्स आरम्मणपच्चयेन पच्चयो. अज्झत्तारम्मणो हेतु धम्मो बहिद्धारम्मणस्स हेतुस्स धम्मस्स आरम्मणपच्चयेन पच्चयो. (२)
बहिद्धारम्मणो हेतु धम्मो बहिद्धारम्मणस्स हेतुस्स धम्मस्स आरम्मणपच्चयेन पच्चयो. बहिद्धारम्मणो हेतु धम्मो अज्झत्तारम्मणस्स हेतुस्स धम्मस्स आरम्मणपच्चयेन पच्चयो. (२) (संखित्तं.)
२३४. हेतुया द्वे, आरम्मणे चत्तारि, अधिपतिया तीणि, अनन्तरे चत्तारि, समनन्तरे चत्तारि, उपनिस्सये चत्तारि…पे… अविगते द्वे (संखित्तं).
नहेतुया चत्तारि, नआरम्मणे चत्तारि (संखित्तं).
हेतुपच्चया नआरम्मणे द्वे (संखित्तं).
नहेतुपच्चया आरम्मणे चत्तारि (संखित्तं).
(यथा कुसलत्तिके पञ्हावारं, एवं वित्थारेतब्बं.)