१-७. पटिच्चवारादि

पच्चयचतुक्कं

हेतुपच्चयो

२३५. अज्झत्तारम्मणं नहेतुं धम्मं पटिच्च अज्झत्तारम्मणो नहेतु धम्मो उप्पज्जति हेतुपच्चया. (१)

बहिद्धारम्मणं नहेतुं धम्मं पटिच्च बहिद्धारम्मणो नहेतु धम्मो उप्पज्जति हेतुपच्चया. (१) (संखित्तं.)

हेतुया द्वे, आरम्मणे द्वे…पे… अविगते द्वे (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)

आरम्मणपच्चयो

२३६. अज्झत्तारम्मणो नहेतु धम्मो अज्झत्तारम्मणस्स नहेतुस्स धम्मस्स आरम्मणपच्चयेन पच्चयो (संखित्तं).

आरम्मणे चत्तारि, अधिपतिया तीणि, अनन्तरे चत्तारि, उपनिस्सये चत्तारि…पे… अविगते द्वे (संखित्तं).

नहेतुया चत्तारि, नआरम्मणे चत्तारि (संखित्तं).

आरम्मणपच्चया नहेतुया चत्तारि (संखित्तं).

नहेतुपच्चया आरम्मणे चत्तारि (संखित्तं).

(यथा कुसलत्तिके पञ्हावारं, एवं वित्थारेतब्बं.)