१-७. पटिच्चवारादि
पच्चयचतुक्कं
हेतुपच्चयो
१८०. मिच्छत्तनियतं हेतुं धम्मं पटिच्च मिच्छत्तनियतो हेतु धम्मो उप्पज्जति हेतुपच्चया. (१)
सम्मत्तनियतं हेतुं धम्मं पटिच्च सम्मत्तनियतो हेतु धम्मो उप्पज्जति हेतुपच्चया. (१)
अनियतं हेतुं धम्मं पटिच्च अनियतो हेतु धम्मो उप्पज्जति हेतुपच्चया. (१) (संखित्तं.)
१८१. हेतुया तीणि, आरम्मणे तीणि, अधिपतिया तीणि…पे… विपाके एकं…पे… अविगते तीणि (संखित्तं).
नअधिपतिया द्वे, नपुरेजाते द्वे, नपच्छाजाते तीणि, नआसेवने एकं, नविपाके तीणि, नविप्पयुत्ते द्वे (संखित्तं).
(सहजातवारम्पि …पे… सम्पयुत्तवारम्पि पटिच्चवारसदिसं वित्थारेतब्बं.)
हेतु-आरम्मणपच्चयादि
१८२. मिच्छत्तनियतो हेतु धम्मो मिच्छत्तनियतस्स हेतुस्स धम्मस्स हेतुपच्चयेन पच्चयो. (१)
सम्मत्तनियतो हेतु धम्मो सम्मत्तनियतस्स हेतुस्स धम्मस्स हेतुपच्चयेन पच्चयो. (१)
अनियतो हेतु धम्मो अनियतस्स हेतुस्स धम्मस्स हेतुपच्चयेन पच्चयो. (१)
मिच्छत्तनियतो हेतु धम्मो अनियतस्स हेतुस्स धम्मस्स आरम्मणपच्चयेन पच्चयो. (१)
सम्मत्तनियतो हेतु धम्मो अनियतस्स हेतुस्स धम्मस्स आरम्मणपच्चयेन पच्चयो. (१)
अनियतो हेतु धम्मो अनियतस्स हेतुस्स धम्मस्स आरम्मणपच्चयेन पच्चयो. (१)
अनियतो हेतु धम्मो मिच्छत्तनियतस्स हेतुस्स धम्मस्स आरम्मणपच्चयेन पच्चयो. (१)
सम्मत्तनियतो हेतु धम्मो सम्मत्तनियतस्स हेतुस्स धम्मस्स अधिपतिपच्चयेन पच्चयो. सम्मत्तनियतो हेतु धम्मो अनियतस्स हेतुस्स धम्मस्स अधिपतिपच्चयेन पच्चयो. (२)
अनियतो हेतु धम्मो अनियतस्स हेतुस्स धम्मस्स अधिपतिपच्चयेन पच्चयो. (१)
अनन्तरपच्चयादि
१८३. मिच्छत्तनियतो हेतु धम्मो अनियतस्स हेतुस्स धम्मस्स अनन्तरपच्चयेन पच्चयो. (१)
सम्मत्तनियतो हेतु धम्मो अनियतस्स हेतुस्स धम्मस्स अनन्तरपच्चयेन पच्चयो. (१)
अनियतो हेतु धम्मो अनियतस्स हेतुस्स धम्मस्स अनन्तरपच्चयेन पच्चयो. अनियतो हेतु धम्मो मिच्छत्तनियतस्स हेतुस्स धम्मस्स अनन्तरपच्चयेन पच्चयो. अनियतो हेतु धम्मो सम्मत्तनियतस्स हेतुस्स धम्मस्स अनन्तरपच्चयेन पच्चयो. (३)
१८४. मिच्छत्तनियतो हेतु धम्मो मिच्छत्तनियतस्स हेतुस्स धम्मस्स उपनिस्सयपच्चयेन पच्चयो. मिच्छत्तनियतो हेतु धम्मो अनियतस्स हेतुस्स धम्मस्स उपनिस्सयपच्चयेन पच्चयो. (२)
सम्मत्तनियतो हेतु धम्मो सम्मत्तनियतस्स हेतुस्स धम्मस्स उपनिस्सयपच्चयेन पच्चयो. सम्मत्तनियतो हेतु धम्मो अनियतस्स हेतुस्स धम्मस्स उपनिस्सयपच्चयेन पच्चयो. (२)
अनियतो हेतु धम्मो अनियतस्स हेतुस्स धम्मस्स उपनिस्सयपच्चयेन पच्चयो. अनियतो हेतु धम्मो मिच्छत्तनियतस्स हेतुस्स धम्मस्स उपनिस्सयपच्चयेन पच्चयो. अनियतो हेतु धम्मो सम्मत्तनियतस्स हेतुस्स धम्मस्स उपनिस्सयपच्चयेन पच्चयो. (३) (संखित्तं.)
१८५. हेतुया तीणि, आरम्मणे चत्तारि, अधिपतिया तीणि, अनन्तरे पञ्च, समनन्तरे पञ्च, सहजाते तीणि…पे… उपनिस्सये सत्त…पे… अविगते तीणि (संखित्तं).
नहेतुया सत्त, नआरम्मणे सत्त (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे चत्तारि (संखित्तं).
(यथा कुसलत्तिके पञ्हावारं, एवं वित्थारेतब्बं.)