१-७. पटिच्चवारादि

पच्चयचतुक्कं

हेतुपच्चयो

१८६. मिच्छत्तनियतं नहेतुं धम्मं पटिच्च मिच्छत्तनियतो नहेतु धम्मो उप्पज्जति हेतुपच्चया… तीणि.

सम्मत्तनियतं नहेतुं धम्मं पटिच्च सम्मत्तनियतो नहेतु धम्मो उप्पज्जति हेतुपच्चया. सम्मत्तनियतं नहेतुं धम्मं पटिच्च अनियतो नहेतु धम्मो उप्पज्जति हेतुपच्चया. सम्मत्तनियतं नहेतुं धम्मं पटिच्च सम्मत्तनियतो नहेतु च अनियतो नहेतु च धम्मा उप्पज्जन्ति हेतुपच्चया. (३)

अनियतं नहेतुं धम्मं पटिच्च अनियतो नहेतु धम्मो उप्पज्जति हेतुपच्चया. (१)

मिच्छत्तनियतं नहेतुञ्च अनियतं नहेतुञ्च धम्मं पटिच्च अनियतो नहेतु धम्मो उप्पज्जति हेतुपच्चया. (१)

सम्मत्तनियतं नहेतुञ्च अनियतं नहेतुञ्च धम्मं पटिच्च अनियतो नहेतु धम्मो उप्पज्जति हेतुपच्चया. (१) (संखित्तं.)

१८७. हेतुया नव, आरम्मणे तीणि, अधिपतिया नव…पे… विपाके एकं…पे… अविगते नव (संखित्तं).

पच्चनीयं

नहेतुपच्चयो

१८८. अनियतं नहेतुं धम्मं पटिच्च अनियतो नहेतु धम्मो उप्पज्जति नहेतुपच्चया (संखित्तं).

नहेतुया एकं, नआरम्मणे पञ्च, नअधिपतिया तीणि…पे… नोविगते पञ्च (संखित्तं).

हेतुपच्चया नआरम्मणे पञ्च (संखित्तं).

नहेतुपच्चया आरम्मणे एकं (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)

आरम्मण-अधिपति-अनन्तरपच्चया

१८९. मिच्छत्तनियतो नहेतु धम्मो अनियतस्स नहेतुस्स धम्मस्स आरम्मणपच्चयेन पच्चयो. (१)

सम्मत्तनियतो नहेतु धम्मो अनियतस्स नहेतुस्स धम्मस्स आरम्मणपच्चयेन पच्चयो. (१)

अनियतो नहेतु धम्मो अनियतस्स नहेतुस्स धम्मस्स आरम्मणपच्चयेन पच्चयो. अनियतो नहेतु धम्मो मिच्छत्तनियतस्स नहेतुस्स धम्मस्स आरम्मणपच्चयेन पच्चयो. अनियतो नहेतु धम्मो सम्मत्तनियतस्स नहेतुस्स धम्मस्स आरम्मणपच्चयेन पच्चयो. (३)

१९०. मिच्छत्तनियतो नहेतु धम्मो मिच्छत्तनियतस्स नहेतुस्स धम्मस्स अधिपतिपच्चयेन पच्चयो… तीणि.

सम्मत्तनियतो नहेतु धम्मो सम्मत्तनियतस्स नहेतुस्स धम्मस्स अधिपतिपच्चयेन पच्चयो. सम्मत्तनियतो नहेतु धम्मो अनियतस्स नहेतुस्स धम्मस्स अधिपतिपच्चयेन पच्चयो. सम्मत्तनियतो नहेतु धम्मो सम्मत्तनियतस्स नहेतुस्स च अनियतस्स नहेतुस्स च धम्मस्स अधिपतिपच्चयेन पच्चयो. (३)

अनियतो नहेतु धम्मो अनियतस्स नहेतुस्स धम्मस्स अधिपतिपच्चयेन पच्चयो. अनियतो नहेतु धम्मो सम्मत्तनियतस्स नहेतुस्स धम्मस्स अधिपतिपच्चयेन पच्चयो. (२)

मिच्छत्तनियतो नहेतु धम्मो अनियतस्स नहेतुस्स धम्मस्स अनन्तरपच्चयेन पच्चयो. (१)

सम्मत्तनियतो नहेतु धम्मो अनियतस्स नहेतुस्स धम्मस्स अनन्तरपच्चयेन पच्चयो. (१)

अनियतो नहेतु धम्मो अनियतस्स नहेतुस्स धम्मस्स अनन्तरपच्चयेन पच्चयो. अनियतो नहेतु धम्मो मिच्छत्तनियतस्स नहेतुस्स धम्मस्स अनन्तरपच्चयेन पच्चयो. अनियतो नहेतु धम्मो सम्मत्तनियतस्स नहेतुस्स धम्मस्स अनन्तरपच्चयेन पच्चयो. (३) (संखित्तं.)

१९१. आरम्मणे पञ्च, अधिपतिया अट्ठ, अनन्तरे पञ्च, समनन्तरे पञ्च, सहजाते नव, अञ्ञमञ्ञे तीणि, निस्सये तेरस, उपनिस्सये सत्त…पे… अविगते तेरस (संखित्तं).

नहेतुया तेरस, नआरम्मणे तेरस, नअधिपतिया तेरस (संखित्तं).

आरम्मणपच्चया नहेतुया पञ्च (संखित्तं).

नहेतुपच्चया आरम्मणे पञ्च (संखित्तं).

(यथा कुसलत्तिके पञ्हावारं, एवं वित्थारेतब्बं.)