१-७. पटिच्चवारादि
पच्चयचतुक्कं
हेतुपच्चयो
१६७. परित्तारम्मणं हेतुं धम्मं पटिच्च परित्तारम्मणो हेतु धम्मो उप्पज्जति हेतुपच्चया. (१)
महग्गतारम्मणं हेतुं धम्मं पटिच्च महग्गतारम्मणो हेतु धम्मो उप्पज्जति हेतुपच्चया. (१)
अप्पमाणारम्मणं हेतुं धम्मं पटिच्च अप्पमाणारम्मणो हेतु धम्मो उप्पज्जति हेतुपच्चया. (१) (संखित्तं.)
हेतुया तीणि, आरम्मणे तीणि…पे… विगते तीणि, अविगते तीणि (संखित्तं).
नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नविपाके तीणि, नविप्पयुत्ते तीणि (संखित्तं).
(सहजातवारम्पि …पे… सम्पयुत्तवारम्पि पटिच्चवारसदिसं वित्थारेतब्बं.)
हेतु-आरम्मणपच्चया
१६८. परित्तारम्मणो हेतु धम्मो परित्तारम्मणस्स हेतुस्स धम्मस्स हेतुपच्चयेन पच्चयो. (१)
महग्गतारम्मणो हेतु धम्मो महग्गतारम्मणस्स हेतुस्स धम्मस्स हेतुपच्चयेन पच्चयो. (१)
अप्पमाणारम्मणो हेतु धम्मो अप्पमाणारम्मणस्स हेतुस्स धम्मस्स हेतुपच्चयेन पच्चयो. (१)
परित्तारम्मणो हेतु धम्मो परित्तारम्मणस्स हेतुस्स धम्मस्स आरम्मणपच्चयेन पच्चयो. परित्तारम्मणो हेतु धम्मो महग्गतारम्मणस्स हेतुस्स धम्मस्स आरम्मणपच्चयेन पच्चयो. (२)
महग्गतारम्मणो हेतु धम्मो महग्गतारम्मणस्स हेतुस्स धम्मस्स आरम्मणपच्चयेन पच्चयो. महग्गतारम्मणो हेतु धम्मो परित्तारम्मणस्स हेतुस्स धम्मस्स आरम्मणपच्चयेन पच्चयो. (२)
अप्पमाणारम्मणो हेतु धम्मो अप्पमाणारम्मणस्स हेतुस्स धम्मस्स आरम्मणपच्चयेन पच्चयो. अप्पमाणारम्मणो हेतु धम्मो परित्तारम्मणस्स हेतुस्स धम्मस्स आरम्मणपच्चयेन पच्चयो. अप्पमाणारम्मणो हेतु धम्मो महग्गतारम्मणस्स हेतुस्स धम्मस्स आरम्मणपच्चयेन पच्चयो. (३) (संखित्तं.)
१६९. हेतुया तीणि, आरम्मणे सत्त, अधिपतिया सत्त, अनन्तरे नव, समनन्तरे नव, उपनिस्सये नव…पे… अविगते तीणि (संखित्तं).
नहेतुया नव, नआरम्मणे नव (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे सत्त (संखित्तं).
(यथा कुसलत्तिके पञ्हावारं, एवं वित्थारेतब्बं.)