१-७. पटिच्चवारादि

पच्चयचतुक्कं

हेतुपच्चयो

१७०. परित्तारम्मणं नहेतुं धम्मं पटिच्च परित्तारम्मणो नहेतु धम्मो उप्पज्जति हेतुपच्चया (संखित्तं).

हेतुया तीणि, आरम्मणे तीणि, अधिपतिया तीणि…पे… अविगते तीणि (संखित्तं).

१७१. परित्तारम्मणं नहेतुं धम्मं पटिच्च परित्तारम्मणो नहेतु धम्मो उप्पज्जति नहेतुपच्चया (संखित्तं).

नहेतुया तीणि, नअधिपतिया तीणि…पे… नविप्पयुत्ते तीणि (संखित्तं).

हेतुपच्चया नअधिपतिया तीणि (संखित्तं).

नहेतुपच्चया आरम्मणे तीणि (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)

आरम्मण-अधिपतिपच्चया

१७२. परित्तारम्मणो नहेतु धम्मो परित्तारम्मणस्स नहेतुस्स धम्मस्स आरम्मणपच्चयेन पच्चयो. परित्तारम्मणो नहेतु धम्मो महग्गतारम्मणस्स नहेतुस्स धम्मस्स आरम्मणपच्चयेन पच्चयो. (२)

महग्गतारम्मणो नहेतु धम्मो महग्गतारम्मणस्स नहेतुस्स धम्मस्स आरम्मणपच्चयेन पच्चयो. महग्गतारम्मणो नहेतु धम्मो परित्तारम्मणस्स नहेतुस्स धम्मस्स आरम्मणपच्चयेन पच्चयो. (२)

अप्पमाणारम्मणो नहेतु धम्मो अप्पमाणारम्मणस्स नहेतुस्स धम्मस्स आरम्मणपच्चयेन पच्चयो. अप्पमाणारम्मणो नहेतु धम्मो परित्तारम्मणस्स नहेतुस्स धम्मस्स आरम्मणपच्चयेन पच्चयो. अप्पमाणारम्मणो नहेतु धम्मो महग्गतारम्मणस्स नहेतुस्स धम्मस्स आरम्मणपच्चयेन पच्चयो. (३)

परित्तारम्मणो नहेतु धम्मो परित्तारम्मणस्स नहेतुस्स धम्मस्स अधिपतिपच्चयेन पच्चयो (संखित्तं).

१७३. आरम्मणे सत्त, अधिपतिया सत्त, अनन्तरे नव, समनन्तरे नव, उपनिस्सये नव…पे… अविगते तीणि (संखित्तं).

नहेतुया नव, नआरम्मणे नव (संखित्तं).

आरम्मणपच्चया नहेतुया सत्त (संखित्तं).

नहेतुपच्चया आरम्मणे सत्त (संखित्तं).

(यथा कुसलत्तिके पञ्हावारं, एवं वित्थारेतब्बं.)