१-६. पटिच्चवारादि

पच्चयचतुक्कं

हेतुपच्चयो

१६२. परित्तं नहेतुं धम्मं पटिच्च परित्तो नहेतु धम्मो उप्पज्जति हेतुपच्चया… तीणि.

महग्गतं नहेतुं धम्मं पटिच्च महग्गतो नहेतु धम्मो उप्पज्जति हेतुपच्चया. महग्गतं नहेतुं धम्मं पटिच्च परित्तो नहेतु धम्मो उप्पज्जति हेतुपच्चया. महग्गतं नहेतुं धम्मं पटिच्च परित्तो नहेतु च महग्गतो नहेतु च धम्मा उप्पज्जन्ति हेतुपच्चया. (३)

अप्पमाणं नहेतुं धम्मं पटिच्च अप्पमाणो नहेतु धम्मो उप्पज्जति हेतुपच्चया. अप्पमाणं नहेतुं धम्मं पटिच्च परित्तो नहेतु धम्मो उप्पज्जति हेतुपच्चया. अप्पमाणं नहेतुं धम्मं पटिच्च परित्तो नहेतु च अप्पमाणो नहेतु च धम्मा उप्पज्जन्ति हेतुपच्चया. (३)

परित्तं नहेतुञ्च महग्गतं नहेतुञ्च धम्मं पटिच्च परित्तो नहेतु धम्मो उप्पज्जति हेतुपच्चया… तीणि.

परित्तं नहेतुञ्च अप्पमाणं नहेतुञ्च धम्मं पटिच्च परित्तो नहेतु धम्मो उप्पज्जति हेतुपच्चया. (१) (संखित्तं.)

१६३. हेतुया तेरस, आरम्मणे पञ्च, अधिपतिया नव…पे… विगते पञ्च, अविगते तेरस (संखित्तं).

पच्चनीयं

नहेतुपच्चयो

१६४. परित्तं नहेतुं धम्मं पटिच्च परित्तो नहेतु धम्मो उप्पज्जति नहेतुपच्चया. (१) (संखित्तं.)

नहेतुया एकं, नआरम्मणे पञ्च, नअधिपतिया दस…पे… नोविगते पञ्च (संखित्तं).

हेतुपच्चया नआरम्मणे पञ्च (संखित्तं).

नहेतुपच्चया आरम्मणे एकं (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)