१-६. पटिच्चवारादि

पच्चयचतुक्कं

हेतु-आरम्मणपच्चया

१३८. आचयगामिं नहेतुं धम्मं पटिच्च आचयगामी नहेतु धम्मो उप्पज्जति हेतुपच्चया. आचयगामिं नहेतुं धम्मं पटिच्च नेवाचयगामिनापचयगामी नहेतु धम्मो उप्पज्जति हेतुपच्चया. आचयगामिं नहेतुं धम्मं पटिच्च आचयगामी नहेतु च नेवाचयगामिनापचयगामी नहेतु च धम्मा उप्पज्जन्ति हेतुपच्चया. (३)

अपचयगामिं नहेतुं धम्मं पटिच्च अपचयगामी नहेतु धम्मो उप्पज्जति हेतुपच्चया. अपचयगामिं नहेतुं धम्मं पटिच्च नेवाचयगामिनापचयगामी नहेतु धम्मो उप्पज्जति हेतुपच्चया. अपचयगामिं नहेतुं धम्मं पटिच्च अपचयगामी नहेतु च नेवाचयगामिनापचयगामी नहेतु च धम्मा उप्पज्जन्ति हेतुपच्चया. (३)

नेवाचयगामिनापचयगामिं नहेतुं धम्मं पटिच्च नेवाचयगामिनापचयगामी नहेतु धम्मो उप्पज्जति हेतुपच्चया. (१)

आचयगामिं नहेतुञ्च नेवाचयगामिनापचयगामिं नहेतुञ्च धम्मं पटिच्च नेवाचयगामिनापचयगामी नहेतु धम्मो उप्पज्जति हेतुपच्चया. (१)

अपचयगामिं नहेतुञ्च नेवाचयगामिनापचयगामिं नहेतुञ्च धम्मं पटिच्च नेवाचयगामिनापचयगामी नहेतु धम्मो उप्पज्जति हेतुपच्चया. (१)

१३९. आचयगामिं नहेतुं धम्मं पटिच्च आचयगामी नहेतु धम्मो उप्पज्जति आरम्मणपच्चया. (१)

अपचयगामिं नहेतुं धम्मं पटिच्च अपचयगामी नहेतु धम्मो उप्पज्जति आरम्मणपच्चया. (१)

नेवाचयगामिनापचयगामिं नहेतुं धम्मं पटिच्च नेवाचयगामिनापचयगामी नहेतु धम्मो उप्पज्जति आरम्मणपच्चया. (१) (संखित्तं.)

हेतुया नव, आरम्मणे तीणि, अधिपतिया नव…पे… अविगते नव (संखित्तं).

नहेतु-नआरम्मणपच्चया

१४०. नेवाचयगामिनापचयगामिं नहेतुं धम्मं पटिच्च नेवाचयगामिनापचयगामी नहेतु धम्मो उप्पज्जति नहेतुपच्चया. (१)

आचयगामिं नहेतुं धम्मं पटिच्च नेवाचयगामिनापचयगामी नहेतु धम्मो उप्पज्जति नआरम्मणपच्चया (संखित्तं).

१४१. नहेतुया एकं, नआरम्मणे पञ्च, नअधिपतिया छ…पे… नोविगते पञ्च (संखित्तं).

हेतुपच्चया नआरम्मणे पञ्च (संखित्तं).

नहेतुपच्चया आरम्मणे एकं (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेब्बं.)