७. पञ्हावारो

पच्चयचतुक्कं

१४२. आचयगामी नहेतु धम्मो आचयगामिस्स नहेतुस्स धम्मस्स आरम्मणपच्चयेन पच्चयो. आचयगामी नहेतु धम्मो नेवाचयगामिनापचयगामिस्स नहेतुस्स धम्मस्स आरम्मणपच्चयेन पच्चयो. (२)

अपचयगामी नहेतु धम्मो आचयगामिस्स नहेतुस्स धम्मस्स आरम्मणपच्चयेन पच्चयो. अपचयगामी नहेतु धम्मो नेवाचयगामिनापचयगामिस्स नहेतुस्स धम्मस्स आरम्मणपच्चयेन पच्चयो. (२)

नेवाचयगामिनापचयगामी नहेतु धम्मो नेवाचयगामिनापचयगामिस्स नहेतुस्स धम्मस्स आरम्मणपच्चयेन पच्चयो. नेवाचयगामिनापचयगामी नहेतु धम्मो आचयगामिस्स नहेतुस्स धम्मस्स आरम्मणपच्चयेन पच्चयो. नेवाचयगामिनापचयगामी नहेतु धम्मो अपचयगामिस्स नहेतुस्स धम्मस्स आरम्मणपच्चयेन पच्चयो. (३)

१४३. आचयगामी नहेतु धम्मो आचयगामिस्स नहेतुस्स धम्मस्स अधिपतिपच्चयेन पच्चयो… तीणि.

अपचयगामी नहेतु धम्मो अपचयगामिस्स नहेतुस्स धम्मस्स अधिपतिपच्चयेन पच्चयो. अपचयगामी नहेतु धम्मो आचयगामिस्स नहेतुस्स धम्मस्स अधिपतिपच्चयेन पच्चयो. अपचयगामी नहेतु धम्मो नेवाचयगामिनापचयगामिस्स नहेतुस्स धम्मस्स अधिपतिपच्चयेन पच्चयो. अपचयगामी नहेतु धम्मो अपचयगामिस्स नहेतुस्स च नेवाचयगामिनापचयगामिस्स नहेतुस्स च धम्मस्स अधिपतिपच्चयेन पच्चयो. (४)

१४४. नेवाचयगामिनापचयगामी नहेतु धम्मो नेवाचयगामिनापचयगामिस्स नहेतुस्स धम्मस्स अधिपतिपच्चयेन पच्चयो… तीणि.

आचयगामी नहेतु धम्मो आचयगामिस्स नहेतुस्स धम्मस्स अनन्तरपच्चयेन पच्चयो. आचयगामी नहेतु धम्मो अपचयगामिस्स नहेतुस्स धम्मस्स अनन्तरपच्चयेन पच्चयो. आचयगामी नहेतु धम्मो नेवाचयगामिनापचयगामिस्स नहेतुस्स धम्मस्स अनन्तरपच्चयेन पच्चयो. (३)

अपचयगामी नहेतु धम्मो नेवाचयगामिनापचयगामिस्स नहेतुस्स धम्मस्स अनन्तरपच्चयेन पच्चयो. (१)

नेवाचयगामिनापचयगामी नहेतु धम्मो नेवाचयगामिनापचयगामिस्स नहेतुस्स धम्मस्स अनन्तरपच्चयेन पच्चयो. नेवाचयगामिनापचयगामी नहेतु धम्मो आचयगामिस्स नहेतुस्स धम्मस्स अनन्तरपच्चयेन पच्चयो. (२)…पे….

आचयगामी नहेतु धम्मो आचयगामिस्स नहेतुस्स धम्मस्स उपनिस्सयपच्चयेन पच्चयो (संखित्तं).

१४५. आरम्मणे सत्त, अधिपतिया दस, अनन्तरे छ समनन्तरे छ, सहजाते नव, अञ्ञमञ्ञे तीणि, निस्सये तेरस, उपनिस्सये नव…पे… अविगते तेरस (संखित्तं).

नहेतुया पन्नरस, नआरम्मणे पन्नरस (संखित्तं).

आरम्मणपच्चया नहेतुया सत्त (संखित्तं).

नहेतुपच्चया आरम्मणे सत्त (संखित्तं).

(यथा कुसलत्तिके पञ्हावारं, एवं वित्थारेतब्बं.)