१-७. पटिच्चवारादि
पच्चयचतुक्कं
हेतुपच्चयो
१३२. आचयगामिं हेतुं धम्मं पटिच्च आचयगामी हेतु धम्मो उप्पज्जति हेतुपच्चया. (१)
अपचयगामिं हेतुं धम्मं पटिच्च अपचयगामी हेतु धम्मो उप्पज्जति हेतुपच्चया. (१)
नेवाचयगामिनापचयगामिं हेतुं धम्मं पटिच्च नेवाचयगामिनापचयगामी हेतु धम्मो उप्पज्जति हेतुपच्चया. (१) (संखित्तं.)
१३३. हेतुया तीणि, आरम्मणे तीणि, अधिपतिया तीणि (सब्बत्थ तीणि).
नअधिपतिया तीणि, नआसेवने द्वे, नविपाके तीणि, नविप्पयुत्ते तीणि (संखित्तं).
हेतुपच्चया नअधिपतिया तीणि (संखित्तं).
नअधिपतिपच्चया हेतुया तीणि (संखित्तं).
(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)
हेतुआरम्मणपच्चयादि
१३४. आचयगामी हेतु धम्मो आचयगामिस्स हेतुस्स धम्मस्स हेतुपच्चयेन पच्चयो. (१)
अपचयगामी हेतु धम्मो अपचयगामिस्स हेतुस्स धम्मस्स हेतुपच्चयेन पच्चयो. (१)
नेवाचयगामिनापचयगामी हेतु धम्मो नेवाचयगामिनापचयगामिस्स हेतुस्स धम्मस्स हेतुपच्चयेन पच्चयो. (१)
आचयगामी हेतु धम्मो आचयगामिस्स हेतुस्स धम्मस्स आरम्मणपच्चयेन पच्चयो. आचयगामी हेतु धम्मो नेवाचयगामिनापचयगामिस्स हेतुस्स धम्मस्स आरम्मणपच्चयेन पच्चयो. (२)
अपचयगामी हेतु धम्मो आचयगामिस्स हेतुस्स धम्मस्स आरम्मणपच्चयेन पच्चयो. अपचयगामी हेतु धम्मो नेवाचयगामिनापचयगामिस्स हेतुस्स धम्मस्स आरम्मणपच्चयेन पच्चयो. (२)
नेवाचयगामिनापचयगामी हेतु धम्मो नेवाचयगामिनापचयगामिस्स हेतुस्स धम्मस्स आरम्मणपच्चयेन पच्चयो. नेवाचयगामिनापचयगामी हेतु धम्मो आचयगामिस्स हेतुस्स धम्मस्स आरम्मणपच्चयेन पच्चयो. (२)
१३५. आचयगामी हेतु धम्मो आचयगामिस्स हेतुस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. (१)
अपचयगामी हेतु धम्मो अपचयगामिस्स हेतुस्स धम्मस्स अधिपतिपच्चयेन पच्चयो – सहजाताधिपति…. अपचयगामी हेतु धम्मो आचयगामिस्स हेतुस्स धम्मस्स अधिपतिपच्चयेन पच्चयो. अपचयगामी हेतु धम्मो नेवाचयगामिनापचयगामिस्स हेतुस्स धम्मस्स अधिपतिपच्चयेन पच्चयो – आरम्मणाधिपति…. (३)
नेवाचयगामिनापचयगामी हेतु धम्मो नेवाचयगामिनापचयगामिस्स हेतुस्स धम्मस्स अधिपतिपच्चयेन पच्चयो. नेवाचयगामिनापचयगामी हेतु धम्मो आचयगामिस्स हेतुस्स धम्मस्स अधिपतिपच्चयेन पच्चयो.
१३६. आचयगामी हेतु धम्मो आचयगामिस्स हेतुस्स धम्मस्स अनन्तरपच्चयेन पच्चयो. आचयगामी हेतु धम्मो अपचयगामिस्स हेतुस्स धम्मस्स अनन्तरपच्चयेन पच्चयो. आचयगामी हेतु धम्मो नेवाचयगामिनापचयगामिस्स हेतुस्स धम्मस्स अनन्तरपच्चयेन पच्चयो. (३)
अपचयगामी हेतु धम्मो नेवाचयगामिनापचयगामिस्स हेतुस्स धम्मस्स अनन्तरपच्चयेन पच्चयो. (१)
नेवाचयगामिनापचयगामी हेतु धम्मो नेवाचयगामिनापचयगामिस्स हेतुस्स धम्मस्स अनन्तरपच्चयेन पच्चयो. (१) (संखित्तं.)
१३७. हेतुया तीणि, आरम्मणे छ, अधिपतिया छ, अनन्तरे पञ्च, समनन्तरे पञ्च, सहजाते तीणि, अञ्ञमञ्ञे तीणि, निस्सये तीणि, उपनिस्सये अट्ठ, आसेवने तीणि, विपाके एकं…पे… अविगते तीणि (संखित्तं).
नहेतुया अट्ठ, नआरम्मणे अट्ठ (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे छ (संखित्तं).
(यथा कुसलत्तिके पञ्हावारं, एवं वित्थारेतब्बं.)