१-६. पटिच्चवारादि

पच्चयचतुक्कं

हेतु-आरम्मणपच्चया

१०७. पीतिसहगतं नहेतुं धम्मं पटिच्च पीतिसहगतो नहेतु धम्मो उप्पज्जति हेतुपच्चया. पीतिसहगतं नहेतुं धम्मं पटिच्च सुखसहगतो नहेतु धम्मो उप्पज्जति हेतुपच्चया. पीतिसहगतं नहेतुं धम्मं पटिच्च पीतिसहगतो नहेतु च सुखसहगतो नहेतु च धम्मा उप्पज्जन्ति हेतुपच्चया. (३)

सुखसहगतं नहेतुं धम्मं पटिच्च सुखसहगतो नहेतु धम्मो उप्पज्जति हेतुपच्चया. सुखसहगतं नहेतुं धम्मं पटिच्च पीतिसहगतो नहेतु धम्मो उप्पज्जति हेतुपच्चया. सुखसहगतं नहेतुं धम्मं पटिच्च पीतिसहगतो नहेतु च सुखसहगतो नहेतु च धम्मा उप्पज्जन्ति हेतुपच्चया. (३)

उपेक्खासहगतं नहेतुं धम्मं पटिच्च उपेक्खासहगतो नहेतुधम्मो उप्पज्जति हेतुपच्चया. (१)

पीतिसहगतं नहेतुञ्च सुखसहगतं नहेतुञ्च धम्मं पटिच्च पीतिसहगतो नहेतु धम्मो उप्पज्जति हेतुपच्चया. पीतिसहगतं नहेतुञ्च सुखसहगतं नहेतुञ्च धम्मं पटिच्च सुखसहगतो नहेतु धम्मो उप्पज्जति हेतुपच्चया. पीतिसहगतं नहेतुञ्च सुखसहगतं नहेतुञ्च धम्मं पटिच्च पीतिसहगतो नहेतु च सुखसहगतो नहेतु च धम्मा उप्पज्जन्ति हेतुपच्चया. (३)

१०८. पीतिसहगतं नहेतुं धम्मं पटिच्च पीतिसहगतो नहेतु धम्मो उप्पज्जति आरम्मणपच्चया… तीणि.

सुखसहगतं नहेतुं धम्मं पटिच्च सुखसहगतो नहेतु धम्मो उप्पज्जति आरम्मणपच्चया… तीणि.

उपेक्खासहगतं नहेतुं धम्मं पटिच्च उपेक्खासहगतो नहेतु धम्मो उप्पज्जति आरम्मणपच्चया… एकं.

पीतिसहगतं नहेतुञ्च सुखसहगतं नहेतुञ्च धम्मं पटिच्च पीतिसहगतो नहेतु धम्मो उप्पज्जति आरम्मणपच्चया… तीणि (संखित्तं).

१०९. हेतुया दस, आरम्मणे दस, अधिपतिया दस, अनन्तरे दस…पे… अविगते दस (संखित्तं).

नहेतुया दस, नअधिपतिया दस (संखित्तं. सहजातवारम्पि…पे… सम्पयुत्तवारम्पि वित्थारेतब्बं.)

नहेतुपदं