१-६. पटिच्चवारादि

पच्चयचतुक्कं

३७. विपाकं हेतुं धम्मं पटिच्च विपाको हेतु धम्मो उप्पज्जति हेतुपच्चया. (१)

विपाकधम्मधम्मं हेतुं धम्मं पटिच्च विपाकधम्मधम्मो हेतु धम्मो उप्पज्जति हेतुपच्चया. (१)

नेवविपाकनविपाकधम्मधम्मं हेतुं धम्मं पटिच्च नेवविपाकनविपाकधम्मधम्मो हेतु धम्मो उप्पज्जति हेतुपच्चया. (१) (संखित्तं.)

३८. हेतुया तीणि, आरम्मणे तीणि…पे… आसेवने द्वे, कम्मे तीणि, विपाके एकं…पे… अविगते तीणि (संखित्तं).

नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नविपाके द्वे, नविप्पयुत्ते तीणि (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)