७. पञ्हावारो

पच्चयचतुक्कं

३९. विपाको हेतु धम्मो विपाकस्स हेतुस्स धम्मस्स हेतुपच्चयेन पच्चयो. (१)

विपाकधम्मधम्मो हेतु धम्मो विपाकधम्मधम्मस्स हेतुस्स धम्मस्स हेतुपच्चयेन पच्चयो. (१)

नेवविपाकनविपाकधम्मधम्मो हेतु धम्मो नेवविपाकनविपाकधम्मधम्मस्स हेतुस्स धम्मस्स हेतुपच्चयेन पच्चयो. (१)

४०. विपाको हेतु धम्मो विपाकस्स हेतुस्स धम्मस्स आरम्मणपच्चयेन पच्चयो. विपाको हेतु धम्मो विपाकधम्मधम्मस्स हेतुस्स धम्मस्स आरम्मणपच्चयेन पच्चयो. विपाको हेतु धम्मो नेवविपाकनविपाकधम्मधम्मस्स हेतुस्स धम्मस्स आरम्मणपच्चयेन पच्चयो. (३)

विपाकधम्मधम्मो हेतु धम्मो विपाकधम्मधम्मस्स हेतुस्स धम्मस्स आरम्मणपच्चयेन पच्चयो. विपाकधम्मधम्मो हेतु धम्मो विपाकस्स हेतुस्स धम्मस्स आरम्मणपच्चयेन पच्चयो. विपाकधम्मधम्मो हेतु धम्मो नेवविपाकनविपाकधम्मधम्मस्स हेतुस्स धम्मस्स आरम्मणपच्चयेन पच्चयो. (३)

नेवविपाकनविपाकधम्मधम्मो हेतु धम्मो नेवविपाकनविपाकधम्मधम्मस्स हेतुस्स धम्मस्स आरम्मणपच्चयेन पच्चयो… तीणि.

४१. विपाको हेतु धम्मो विपाकस्स हेतुस्स धम्मस्स अधिपतिपच्चयेन पच्चयो. विपाको हेतु धम्मो विपाकधम्मधम्मस्स हेतुस्स धम्मस्स अधिपतिपच्चयेन पच्चयो. विपाको हेतु धम्मो नेवविपाकनविपाकधम्मधम्मस्स हेतुस्स धम्मस्स अधिपतिपच्चयेन पच्चयो … तीणि.

विपाकधम्मधम्मो हेतु धम्मो विपाकधम्मधम्मस्स हेतुस्स धम्मस्स अधिपतिपच्चयेन पच्चयो… द्वे.

नेवविपाकनविपाकधम्मधम्मो हेतु धम्मो नेवविपाकनविपाकधम्मधम्मस्स हेतुस्स धम्मस्स अधिपतिपच्चयेन पच्चयो. (१) (संखित्तं.)

४२. हेतुया तीणि, आरम्मणे नव, अधिपतिया छ, अनन्तरे पञ्च, समनन्तरे पञ्च, सहजाते तीणि, अञ्ञमञ्ञे तीणि, निस्सये तीणि, उपनिस्सये नव, आसेवने द्वे, विपाके एकं…पे… अविगते तीणि (संखित्तं).

नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारं, एवं वित्थारेतब्बं.)

नहेतुपदपच्चयचतुक्कं

४३. विपाकं नहेतुं धम्मं पटिच्च विपाको नहेतु धम्मो उप्पज्जति हेतुपच्चया. विपाकं नहेतुं धम्मं पटिच्च नेवविपाकनविपाकधम्मधम्मो नहेतु धम्मो उप्पज्जति हेतुपच्चया. विपाकं नहेतुं धम्मं पटिच्च विपाको नहेतु च नेवविपाकनविपाकधम्मधम्मो नहेतु च धम्मा उप्पज्जन्ति हेतुपच्चया. (३)

विपाकधम्मधम्मं नहेतुं धम्मं पटिच्च विपाकधम्मधम्मो नहेतु धम्मो उप्पज्जति हेतुपच्चया. विपाकधम्मधम्मं नहेतुं धम्मं पटिच्च नेवविपाकनविपाकधम्मधम्मो नहेतु धम्मो उप्पज्जति हेतुपच्चया. विपाकधम्मधम्मं नहेतुं धम्मं पटिच्च विपाकधम्मधम्मो नहेतु च नेवविपाकनविपाकधम्मधम्मो नहेतु च धम्मा उप्पज्जन्ति हेतुपच्चया. (३)

नेवविपाकनविपाकधम्मधम्मं नहेतुं धम्मं पटिच्च नेवविपाकनविपाकधम्मधम्मो नहेतु धम्मो उप्पज्जति हेतुपच्चया… तीणि.

विपाकं नहेतुञ्च नेवविपाकनविपाकधम्मधम्मं नहेतुञ्च धम्मं पटिच्च नेवविपाकनविपाकधम्मधम्मो नहेतु धम्मो उप्पज्जति हेतुपच्चया… तीणि.

विपाकधम्मधम्मं नहेतुञ्च नेवविपाकनविपाकधम्मधम्मं नहेतुञ्च धम्मं पटिच्च नेवविपाकनविपाकधम्मधम्मो नहेतु धम्मो उप्पज्जति हेतुपच्चया (संखित्तं).

४४. हेतुया तेरस, आरम्मणे पञ्च, अधिपतिया नव, अनन्तरे पञ्च, समनन्तरे पञ्च, सहजाते तेरस, अञ्ञमञ्ञे सत्त, निस्सये तेरस, उपनिस्सये पञ्च, पुरेजाते तीणि, आसेवने द्वे, कम्मे तेरस, विपाके नव, आहारे तेरस…पे… सम्पयुत्ते पञ्च…पे… अविगते तेरस (संखित्तं).

नहेतु-नआरम्मणपच्चया

४५. विपाकं नहेतुं धम्मं पटिच्च विपाको नहेतु धम्मो उप्पज्जति नहेतुपच्चया… नव.

विपाकं नहेतुं धम्मं पटिच्च नेवविपाकनविपाकधम्मधम्मो नहेतु धम्मो उप्पज्जति नआरम्मणपच्चया (संखित्तं).

४६. नहेतुया नव, नआरम्मणे पञ्च, नअधिपतिया तेरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते द्वादस, नपच्छाजाते तेरस, नआसेवने तेरस, नकम्मे द्वे, नविपाके पञ्च, नविप्पयुत्ते तीणि…पे… नोविगते पञ्च (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)