१. विभङ्गवारो

हेतुपच्चयो

९०. परामासविप्पयुत्तं परामट्ठं धम्मं पटिच्च परामासविप्पयुत्तो परामट्ठो धम्मो उप्पज्जति हेतुपच्चया – परामासविप्पयुत्तं परामट्ठं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे….

परामासविप्पयुत्तं अपरामट्ठं धम्मं पटिच्च परामासविप्पयुत्तो अपरामट्ठो धम्मो उप्पज्जति हेतुपच्चया (संखित्तं).

(यथा चूळन्तरदुके लोकियदुकं एवं कातब्बं निन्नानाकरणं.)

परामासविप्पयुत्तपरामट्ठदुकं निट्ठितं.

परामासगोच्छकं निट्ठितं.