१. विभङ्गवारो

हेतुपच्चयो

१०१. रूपिं धम्मं पच्चया रूपी धम्मो उप्पज्जति हेतुपच्चया – एकं महाभूतं…पे… (पटिच्चसदिसं). (१)

रूपिं धम्मं पच्चया अरूपी धम्मो उप्पज्जति हेतुपच्चया – वत्थुं पच्चया अरूपिनो खन्धा; पटिसन्धिक्खणे…पे…. (२)

रूपिं धम्मं पच्चया रूपी च अरूपी च धम्मा उप्पज्जन्ति हेतुपच्चया – वत्थुं पच्चया अरूपिनो खन्धा, महाभूते पच्चया चित्तसमुट्ठानं रूपं; पटिसन्धिक्खणे…पे… (एवं अवसेसा पञ्हा, पवत्तिपटिसन्धि विभजितब्बा). (३)

आरम्मणपच्चयो

१०२. रूपिं धम्मं पच्चया अरूपी धम्मो उप्पज्जति आरम्मणपच्चया – चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया अरूपिनो खन्धा; पटिसन्धिक्खणे…पे…. (१)

अरूपिं धम्मं पच्चया अरूपी धम्मो उप्पज्जति आरम्मणपच्चया – अरूपिं एकं खन्धं…पे… द्वे खन्धे…पे…. (२)

रूपिञ्च अरूपिञ्च धम्मं पच्चया अरूपी धम्मो उप्पज्जति आरम्मणपच्चया – चक्खुविञ्ञाणसहगतं एकं खन्धञ्च चक्खायतनञ्च पच्चया तयो खन्धा…पे… द्वे खन्धे …पे… कायविञ्ञाणसहगतं…पे… अरूपिं एकं खन्धञ्च वत्थुञ्च पच्चया तयो खन्धा…पे… द्वे खन्धे…पे… (संखित्तं). (३)