१. विभङ्गवारो

हेतुपच्चयो

१७६. केनचि विञ्ञेय्यं धम्मं पटिच्च केनचि विञ्ञेय्यो धम्मो उप्पज्जति हेतुपच्चया – केनचि विञ्ञेय्यं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

केनचि विञ्ञेय्यं धम्मं पटिच्च केनचि नविञ्ञेय्यो धम्मो उप्पज्जति हेतुपच्चया – केनचि विञ्ञेय्यं एकं खन्धं पटिच्च केनचि नविञ्ञेय्या तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (२)

केनचि विञ्ञेय्यं धम्मं पटिच्च केनचि विञ्ञेय्यो च केनचि नविञ्ञेय्यो च धम्मा उप्पज्जन्ति हेतुपच्चया – केनचि विञ्ञेय्यं एकं खन्धं पटिच्च केनचि विञ्ञेय्या च केनचि नविञ्ञेय्या च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (३)

१७७. केनचि नविञ्ञेय्यं धम्मं पटिच्च केनचि नविञ्ञेय्यो धम्मो उप्पज्जति हेतुपच्चया – केनचि नविञ्ञेय्यं एकं खन्धं पटिच्च केनचि नविञ्ञेय्या तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

केनचि नविञ्ञेय्यं धम्मं पटिच्च केनचि विञ्ञेय्यो धम्मो उप्पज्जति हेतुपच्चया – केनचि नविञ्ञेय्यं एकं खन्धं पटिच्च केनचि विञ्ञेय्या तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (२)

केनचि नविञ्ञेय्यं धम्मं पटिच्च केनचि विञ्ञेय्यो च केनचि नविञ्ञेय्यो च धम्मा उप्पज्जन्ति हेतुपच्चया – केनचि नविञ्ञेय्यं एकं खन्धं पटिच्च केनचि विञ्ञेय्या च केनचि नविञ्ञेय्या च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (३)

१७८. केनचि विञ्ञेय्यञ्च केनचि नविञ्ञेय्यञ्च धम्मं पटिच्च केनचि विञ्ञेय्यो धम्मो उप्पज्जति हेतुपच्चया – केनचि विञ्ञेय्यञ्च केनचि नविञ्ञेय्यञ्च एकं खन्धं पटिच्च केनचि विञ्ञेय्या तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं …पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

केनचि विञ्ञेय्यञ्च केनचि नविञ्ञेय्यञ्च धम्मं पटिच्च केनचि नविञ्ञेय्यो धम्मो उप्पज्जति हेतुपच्चया – केनचि विञ्ञेय्यञ्च केनचि नविञ्ञेय्यञ्च एकं खन्धं पटिच्च केनचि नविञ्ञेय्या तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (२)

केनचि विञ्ञेय्यञ्च केनचि नविञ्ञेय्यञ्च धम्मं पटिच्च केनचि विञ्ञेय्यो च केनचि नविञ्ञेय्यो च धम्मा उप्पज्जन्ति हेतुपच्चया – केनचि विञ्ञेय्यञ्च केनचि नविञ्ञेय्यञ्च एकं खन्धं पटिच्च केनचि विञ्ञेय्या च केनचि नविञ्ञेय्या च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं (संखित्तं). (३)

१. पच्चयानुलोमं

२. सङ्ख्यावारो

१७९. हेतुया नव, आरम्मणे नव…पे… अविगते नव.

अनुलोमं.