२. सङ्ख्यावारो

सुद्धं

१७०. हेतुया चत्तारि, आरम्मणे तीणि, अधिपतिया चत्तारि, अनन्तरे चत्तारि, समनन्तरे चत्तारि, सहजाते पञ्च, अञ्ञमञ्ञे द्वे, निस्सये सत्त, उपनिस्सये चत्तारि, पुरेजाते द्वे, पच्छाजाते द्वे, आसेवने द्वे, कम्मे चत्तारि, विपाके चत्तारि, आहारे चत्तारि, इन्द्रिये चत्तारि, झाने चत्तारि, मग्गे चत्तारि, सम्पयुत्ते द्वे, विप्पयुत्ते तीणि, अत्थिया सत्त, नत्थिया चत्तारि, विगते चत्तारि, अविगते सत्त.

अनुलोमं.

पच्चनीयुद्धारो

१७१. लोकियो धम्मो लोकियस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

लोकियो धम्मो लोकुत्तरस्स धम्मस्स उपनिस्सयपच्चयेन पच्चयो… पुरेजातपच्चयेन पच्चयो. (२)

१७२. लोकुत्तरो धम्मो लोकुत्तरस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

लोकुत्तरो धम्मो लोकियस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो. (२)

लोकुत्तरो धम्मो लोकियस्स च लोकुत्तरस्स च धम्मस्स सहजातपच्चयेन पच्चयो. (३)

लोकियो च लोकुत्तरो च धम्मा लोकियस्स धम्मस्स सहजातं… पच्छाजातं… आहारं… इन्द्रियं. (१)

लोकियो च लोकुत्तरो च धम्मा लोकुत्तरस्स धम्मस्स सहजातं… पुरेजातं. (२)