१. विभङ्गवारो

हेतुपच्चयो

११५. चेतसिकं धम्मं संसट्ठो चेतसिको धम्मो उप्पज्जति हेतुपच्चया – चेतसिकं एकं खन्धं संसट्ठा द्वे खन्धा, द्वे खन्धे…पे… पटिसन्धिक्खणे…पे…. (१)

चेतसिकं धम्मं संसट्ठो अचेतसिको धम्मो उप्पज्जति हेतुपच्चया – चेतसिको खन्धे संसट्ठं चित्तं; पटिसन्धिक्खणे…पे…. (२)

चेतसिकं धम्मं संसट्ठो चेतसिको च अचेतसिको च धम्मा उप्पज्जन्ति हेतुपच्चया – चेतसिकं एकं खन्धं संसट्ठा द्वे खन्धा चित्तञ्च, द्वे खन्धे…पे… पटिसन्धिक्खणे…पे…. (३)

अचेतसिकं धम्मं संसट्ठो चेतसिको धम्मो उप्पज्जति हेतुपच्चया – चित्तं संसट्ठा सम्पयुत्तका खन्धा; पटिसन्धिक्खणे…पे…. (१)

चेतसिकञ्च अचेतसिकञ्च धम्मं संसट्ठो चेतसिको धम्मो उप्पज्जति हेतुपच्चया – चेतसिकं एकं खन्धञ्च चित्तञ्च संसट्ठा द्वे खन्धा, द्वे खन्धे च…पे… पटिसन्धिक्खणे…पे…. (१) (संखित्तं).