१. विभङ्गवारो

हेतुपच्चयो

१०६. चेतसिकं धम्मं पच्चया चेतसिको धम्मो उप्पज्जति हेतुपच्चया… तीणि (पटिच्चसदिसा).

अचेतसिकं धम्मं पच्चया अचेतसिको धम्मो उप्पज्जति हेतुपच्चया – चित्तं पच्चया चित्तसमुट्ठानं रूपं, वत्थुं पच्चया चित्तं; पटिसन्धिक्खणे चित्तं पच्चया कटत्तारूपं, चित्तं पच्चया वत्थु, वत्थुं पच्चया चित्तं, एकं महाभूतं…पे…. (१)

अचेतसिकं धम्मं पच्चया चेतसिको धम्मो उप्पज्जति हेतुपच्चया – चित्तं पच्चया सम्पयुत्तका खन्धा, वत्थुं पच्चया चेतसिका खन्धा (पटिसन्धिक्खणे द्वेपि कातब्बा). (२)

अचेतसिकं धम्मं पच्चया चेतसिको च अचेतसिको च धम्मा उप्पज्जन्ति हेतुपच्चया – चित्तं पच्चया सम्पयुत्तका खन्धा चित्तसमुट्ठानञ्च रूपं, वत्थुं पच्चया चित्तञ्च सम्पयुत्तका च खन्धा (पटिसन्धिक्खणे द्वेपि कातब्बा). (३)

१०७. चेतसिकञ्च अचेतसिकञ्च धम्मं पच्चया चेतसिको धम्मो उप्पज्जति हेतुपच्चया – चेतसिकं एकं खन्धञ्च चित्तञ्च पच्चया द्वे खन्धा, द्वे खन्धे च…पे… चेतसिकं एकं खन्धञ्च वत्थुञ्च पच्चया द्वे खन्धा, द्वे खन्धे च…पे… (पटिसन्धिक्खणे द्वेपि कातब्बा). (१)

चेतसिकञ्च अचेतसिकञ्च धम्मं पच्चया अचेतसिको धम्मो उप्पज्जति हेतुपच्चया – चेतसिके खन्धे च चित्तञ्च पच्चया चित्तसमुट्ठानं रूपं, चेतसिके खन्धे च महाभूते च पच्चया चित्तसमुट्ठानं रूपं, चेतसिके खन्धे च वत्थुञ्च पच्चया चित्तं (पटिसन्धिक्खणे तीणिपि कातब्बा). (२)

चेतसिकञ्च अचेतसिकञ्च धम्मं पच्चया चेतसिको च अचेतसिको च धम्मा उप्पज्जन्ति हेतुपच्चया – चेतसिकं एकं खन्धञ्च चित्तञ्च पच्चया द्वे खन्धा चित्तसमुट्ठानञ्च रूपं, द्वे खन्धे च…पे… चेतसिकं एकं खन्धञ्च वत्थुञ्च पच्चया द्वे खन्धा चित्तञ्च, द्वे खन्धे च…पे… (पटिसन्धिक्खणे द्वेपि कातब्बा). (३)

आरम्मणपच्चयो

१०८. चेतसिकं धम्मं पच्चया चेतसिको धम्मो उप्पज्जति आरम्मणपच्चया… तीणि (पटिच्चसदिसा).

अचेतसिकं धम्मं पच्चया अचेतसिको धम्मो उप्पज्जति आरम्मणपच्चया – चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया चित्तं; पटिसन्धिक्खणे…पे…. (१)

अचेतसिकं धम्मं पच्चया चेतसिको धम्मो उप्पज्जति आरम्मणपच्चया – चक्खायतनं पच्चया चक्खुविञ्ञाणसहगता खन्धा…पे… कायायतनं पच्चया…पे… चित्तं पच्चया सम्पयुत्तका खन्धा, वत्थुं पच्चया चेतसिका खन्धा (पटिसन्धिक्खणे द्वेपि कातब्बा). (२)

अचेतसिकं धम्मं पच्चया चेतसिको च अचेतसिको च धम्मा उप्पज्जन्ति आरम्मणपच्चया – चक्खायतनं पच्चया चक्खुविञ्ञाणं सम्पयुत्तका च खन्धा…पे… कायायतनं पच्चया…पे… वत्थुं पच्चया चित्तं सम्पयुत्तका च खन्धा (पटिसन्धिक्खणे एकं). (३)

१०९. चेतसिकञ्च अचेतसिकञ्च धम्मं पच्चया चेतसिको धम्मो उप्पज्जति आरम्मणपच्चया – चक्खुविञ्ञाणसहगतं एकं खन्धञ्च चक्खुविञ्ञाणञ्च पच्चया द्वे खन्धा, द्वे खन्धे च…पे… चक्खुविञ्ञाणसहगतं एकं खन्धञ्च चक्खायतनञ्च पच्चया द्वे खन्धा, द्वे खन्धे च…पे… कायविञ्ञाणसहगतं…पे… चेतसिकं एकं खन्धञ्च चित्तञ्च पच्चया द्वे खन्धा, द्वे खन्धे च…पे… चेतसिकं एकं खन्धञ्च वत्थुञ्च पच्चया द्वे खन्धा, द्वे खन्धे च…पे… (पटिसन्धिक्खणे द्वे). (१)

चेतसिकञ्च अचेतसिकञ्च धम्मं पच्चया अचेतसिको धम्मो उप्पज्जति आरम्मणपच्चया – चक्खुविञ्ञाणसहगते खन्धे च चक्खायतनञ्च पच्चया चक्खुविञ्ञाणं…पे… कायविञ्ञाणसहगते…पे… चेतसिके खन्धे च वत्थुञ्च पच्चया चित्तं (पटिसन्धिक्खणे एकं). (२)

चेतसिकञ्च अचेतसिकञ्च धम्मं पच्चया चेतसिको च अचेतसिको च धम्मा उप्पज्जन्ति आरम्मणपच्चया – चक्खुविञ्ञाणसहगतं एकं खन्धञ्च चक्खायतनञ्च पच्चया द्वे खन्धा चक्खुविञ्ञाणञ्च, द्वे खन्धे च…पे… चेतसिकं एकं खन्धञ्च वत्थुञ्च पच्चया द्वे खन्धा चित्तञ्च, द्वे खन्धे च…पे… (पटिसन्धिक्खणे एकं, संखित्तं). (३)