१. विभङ्गवारो

नहेतुपच्चयो

९९. चेतसिकं धम्मं पटिच्च चेतसिको धम्मो उप्पज्जति नहेतुपच्चया – अहेतुकं चेतसिकं एकं खन्धं पटिच्च द्वे खन्धा, द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

चेतसिकं धम्मं पटिच्च अचेतसिको धम्मो उप्पज्जति नहेतुपच्चया – अहेतुके चेतसिके खन्धे पटिच्च चित्तञ्च चित्तसमुट्ठानञ्च रूपं; अहेतुकपटिसन्धिक्खणे…पे…. (२)

चेतसिकं धम्मं पटिच्च चेतसिको च अचेतसिको च धम्मा उप्पज्जन्ति नहेतुपच्चया – अहेतुकं चेतसिकं एकं खन्धं पटिच्च द्वे खन्धा चित्तञ्च चित्तसमुट्ठानञ्च रूपं, द्वे खन्धे…पे… अहेतुकपटिसन्धिक्खणे …पे…. (३)

१००. अचेतसिकं धम्मं पटिच्च अचेतसिको धम्मो उप्पज्जति नहेतुपच्चया – अहेतुकं चित्तं पटिच्च चित्तसमुट्ठानं रूपं; अहेतुकपटिसन्धिक्खणे चित्तं पटिच्च कटत्तारूपं, चित्तं पटिच्च वत्थु, वत्थुं पटिच्च चित्तं, एकं महाभूतं…पे… असञ्ञसत्तानं एकं महाभूतं…पे…. (१)

अचेतसिकं धम्मं पटिच्च चेतसिको धम्मो उप्पज्जति नहेतुपच्चया – अहेतुकं चित्तं पटिच्च सम्पयुत्तका खन्धा; अहेतुकपटिसन्धिक्खणे चित्तं पटिच्च सम्पयुत्तका खन्धा, अहेतुकपटिसन्धिक्खणे वत्थुं पटिच्च चेतसिका खन्धा, विचिकिच्छासहगतं उद्धच्चसहगतं चित्तं पटिच्च विचिकिच्छासहगतो उद्धच्चसहगतो मोहो. (२)

अचेतसिकं धम्मं पटिच्च चेतसिको च अचेतसिको च धम्मा उप्पज्जन्ति नहेतुपच्चया – अहेतुकं चित्तं पटिच्च सम्पयुत्तका खन्धा चित्तसमुट्ठानञ्च रूपं; अहेतुकपटिसन्धिक्खणे चित्तं पटिच्च सम्पयुत्तका खन्धा कटत्ता च रूपं, अहेतुकपटिसन्धिक्खणे वत्थुं पटिच्च चित्तञ्च सम्पयुत्तका च खन्धा. (३)

१०१. चेतसिकञ्च अचेतसिकञ्च धम्मं पटिच्च चेतसिको धम्मो उप्पज्जति नहेतुपच्चया – अहेतुकं चेतसिकं एकं खन्धञ्च चित्तञ्च पटिच्च द्वे खन्धा, द्वे खन्धे च…पे… अहेतुकपटिसन्धिक्खणे चेतसिकं एकं खन्धञ्च चित्तञ्च पटिच्च द्वे खन्धा, द्वे खन्धे च…पे… अहेतुकपटिसन्धिक्खणे चेतसिकं एकं खन्धञ्च वत्थुञ्च पटिच्च द्वे खन्धा, द्वे खन्धे च…पे… विचिकिच्छासहगते उद्धच्चसहगते खन्धे च चित्तञ्च पटिच्च विचिकिच्छासहगतो उद्धच्चसहगतो मोहो. (१)

चेतसिकञ्च अचेतसिकञ्च धम्मं पटिच्च अचेतसिको धम्मो उप्पज्जति नहेतुपच्चया – अहेतुके चेतसिके खन्धे च चित्तञ्च पटिच्च चित्तसमुट्ठानं रूपं, अहेतुके चेतसिके खन्धे च महाभूते च पटिच्च चित्तसमुट्ठानं रूपं; अहेतुकपटिसन्धिक्खणे चेतसिके खन्धे च चित्तञ्च पटिच्च कटत्तारूपं, अहेतुकपटिसन्धिक्खणे चेतसिके खन्धे च महाभूते च पटिच्च कटत्तारूपं, अहेतुकपटिसन्धिक्खणे चेतसिके खन्धे च वत्थुञ्च पटिच्च चित्तं. (२)

चेतसिकञ्च अचेतसिकञ्च धम्मं पटिच्च चेतसिको च अचेतसिको च धम्मा उप्पज्जन्ति नहेतुपच्चया – अहेतुकं चेतसिकं एकं खन्धञ्च चित्तञ्च पटिच्च द्वे खन्धा चित्तसमुट्ठानञ्च रूपं; अहेतुकपटिसन्धिक्खणे चेतसिकं एकं खन्धञ्च चित्तञ्च पटिच्च द्वे खन्धा कटत्ता च रूपं, अहेतुकपटिसन्धिक्खणे चेतसिकं एकं खन्धञ्च वत्थुञ्च पटिच्च द्वे खन्धा चित्तञ्च, द्वे खन्धे च…पे…. (३)

नआरम्मणपच्चयो

१०२. चेतसिकं धम्मं पटिच्च अचेतसिको धम्मो उप्पज्जति नआरम्मणपच्चया – चेतसिके खन्धे पटिच्च चित्तसमुट्ठानं रूपं; पटिसन्धिक्खणे…पे…. (१)

अचेतसिकं धम्मं पटिच्च अचेतसिको धम्मो उप्पज्जति नआरम्मणपच्चया – चित्तं पटिच्च चित्तसमुट्ठानं रूपं; पटिसन्धिक्खणे …पे… (याव असञ्ञसत्ता). (१)

चेतसिकञ्च अचेतसिकञ्च धम्मं पटिच्च अचेतसिको धम्मो उप्पज्जति नआरम्मणपच्चया – चेतसिके खन्धे च चित्तञ्च पटिच्च चित्तसमुट्ठानं रूपं, चेतसिके खन्धे च महाभूते च पटिच्च चित्तसमुट्ठानं रूपं (पटिसन्धिक्खणे द्वेपि कातब्बा, संखित्तं).