१-४. पच्चयानुलोमादि

हेतुपच्चयो

६९. चित्तं धम्मं संसट्ठो नोचित्तो धम्मो उप्पज्जति हेतुपच्चया – चित्तं संसट्ठा सम्पयुत्तका खन्धा; पटिसन्धिक्खणे…पे…. (१)

नोचित्तं धम्मं संसट्ठो नोचित्तो धम्मो उप्पज्जति हेतुपच्चया – नोचित्तं एकं खन्धं संसट्ठा द्वे खन्धा, द्वे खन्धे संसट्ठो एको खन्धो; पटिसन्धिक्खणे…पे…. (१)

नोचित्तं धम्मं संसट्ठो चित्तो धम्मो उप्पज्जति हेतुपच्चया – नोचित्ते खन्धे संसट्ठं चित्तं; पटिसन्धिक्खणे…पे…. (२)

नोचित्तं धम्मं संसट्ठो चित्तो च नोचित्तो च धम्मा उप्पज्जन्ति हेतुपच्चया – नोचित्तं एकं खन्धं संसट्ठा द्वे खन्धा चित्तञ्च, द्वे खन्धे…पे… पटिसन्धिक्खणे…पे…. (३)

चित्तञ्च नोचित्तञ्च धम्मं संसट्ठो नोचित्तो धम्मो उप्पज्जति हेतुपच्चया – नोचित्तं एकं खन्धञ्च चित्तञ्च संसट्ठा द्वे खन्धा, द्वे खन्धे च…पे… पटिसन्धिक्खणे…पे… (संखित्तं).

हेतुया पञ्च, आरम्मणे पञ्च, अधिपतिया पञ्च (सब्बत्थ पञ्च), अविगते पञ्च (संखित्तं).

नहेतुया पञ्च, नअधिपतिया पञ्च, नपुरेजाते पञ्च, नपच्छाजाते पञ्च, नआसेवने पञ्च, नकम्मे तीणि, नविपाके पञ्च, नझाने पञ्च, नमग्गे पञ्च, नविप्पयुत्ते पञ्च.