१. विभङ्गवारो

नहेतुपच्चयो

६४. चित्तं धम्मं पच्चया नोचित्तो धम्मो उप्पज्जति नहेतुपच्चया – अहेतुकं चित्तं पच्चया सम्पयुत्तका खन्धा चित्तसमुट्ठानञ्च रूपं; अहेतुकपटिसन्धिक्खणे…पे… विचिकिच्छासहगतं उद्धच्चसहगतं चित्तं पच्चया विचिकिच्छासहगतो उद्धच्चसहगतो मोहो. (१)

६५. नोचित्तं धम्मं पच्चया नोचित्तो धम्मो उप्पज्जति नहेतुपच्चया – अहेतुकं नोचित्तं एकं खन्धं पच्चया द्वे खन्धा चित्तसमुट्ठानञ्च रूपं, द्वे खन्धे…पे… अहेतुकपटिसन्धिक्खणे…पे… (याव असञ्ञसत्ता), चक्खायतनं पच्चया चक्खुविञ्ञाणसहगता खन्धा…पे… कायायतनं पच्चया कायविञ्ञाणसहगता खन्धा, वत्थुं पच्चया अहेतुका नोचित्ते खन्धा विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो. (१)

नोचित्तं धम्मं पच्चया चित्तो धम्मो उप्पज्जति नहेतुपच्चया – अहेतुके नोचित्ते खन्धे पच्चया चित्तं, वत्थुं पच्चया चित्तं; अहेतुकपटिसन्धिक्खणे…पे… अहेतुकपटिसन्धिक्खणे वत्थुं पच्चया चित्तं, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं. (२)

नोचित्तं धम्मं पच्चया चित्तो च नोचित्तो च धम्मा उप्पज्जन्ति नहेतुपच्चया – अहेतुकं नोचित्तं एकं खन्धं पच्चया द्वे खन्धा चित्तञ्च चित्तसमुट्ठानञ्च रूपं, द्वे खन्धे…पे… वत्थुं पच्चया चित्तञ्च सम्पयुत्तका च खन्धा; अहेतुकपटिसन्धिक्खणे…पे… अहेतुकपटिसन्धिक्खणे वत्थुं पच्चया चित्तञ्च सम्पयुत्तका च खन्धा, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं. (३)

चित्तञ्च नोचित्तञ्च धम्मं पच्चया नोचित्तो धम्मो उप्पज्जति नहेतुपच्चया – अहेतुकं नोचित्तं एकं खन्धञ्च चित्तञ्च पच्चया द्वे खन्धा चित्तसमुट्ठानञ्च रूपं, द्वे खन्धे च…पे… चित्तञ्च वत्थुञ्च पच्चया नोचित्ता खन्धा; अहेतुकपटिसन्धिक्खणे…पे… अहेतुकपटिसन्धिक्खणे चित्तञ्च वत्थुञ्च पच्चया नोचित्ता खन्धा, चक्खायतनञ्च चक्खुविञ्ञाणञ्च पच्चया चक्खुविञ्ञाणसहगता खन्धा…पे… कायायतनं च…पे… विचिकिच्छासहगते उद्धच्चसहगते खन्धे च चित्तञ्च पच्चया विचिकिच्छासहगतो उद्धच्चसहगतो मोहो. (१) (संखित्तं.)