१. विभङ्गवारो

हेतुपच्चयो

५०. चित्तं धम्मं पटिच्च नोचित्तो धम्मो उप्पज्जति हेतुपच्चया – चित्तं पटिच्च सम्पयुत्तका खन्धा चित्तसमुट्ठानञ्च रूपं; पटिसन्धिक्खणे चित्तं पटिच्च सम्पयुत्तका खन्धा कटत्ता च रूपं. (१)

नोचित्तं धम्मं पटिच्च नोचित्तो धम्मो उप्पज्जति हेतुपच्चया – नोचित्तं एकं खन्धं पटिच्च द्वे खन्धा चित्तसमुट्ठानञ्च रूपं, द्वे खन्धे पटिच्च एको खन्धो चित्तसमुट्ठानञ्च रूपं; पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं पटिच्च…पे…. (१)

नोचित्तं धम्मं पटिच्च चित्तो धम्मो उप्पज्जति हेतुपच्चया – नोचित्ते खन्धे पटिच्च चित्तं; पटिसन्धिक्खणे नोचित्ते खन्धे पटिच्च चित्तं; पटिसन्धिक्खणे वत्थुं पटिच्च चित्तं. (२)

नोचित्तं धम्मं पटिच्च चित्तो च नोचित्तो च धम्मा उप्पज्जन्ति हेतुपच्चया – नोचित्तं एकं खन्धं पटिच्च द्वे खन्धा चित्तञ्च चित्तसमुट्ठानञ्च रूपं, द्वे खन्धे…पे… पटिसन्धिक्खणे नोचित्तं एकं खन्धं पटिच्च द्वे खन्धा चित्तञ्च कटत्ता च रूपं, द्वे खन्धे पटिच्च एको खन्धो चित्तञ्च कटत्ता च रूपं; पटिसन्धिक्खणे वत्थुं पटिच्च चित्तञ्च सम्पयुत्तका च खन्धा. (३)

चित्तञ्च नोचित्तञ्च धम्मं पटिच्च नोचित्तो धम्मो उप्पज्जति हेतुपच्चया – नोचित्तं एकं खन्धञ्च चित्तञ्च पटिच्च द्वे खन्धा चित्तसमुट्ठानञ्च रूपं, द्वे खन्धे च…पे… चित्तञ्च महाभूते च पटिच्च चित्तसमुट्ठानं रूपं; पटिसन्धिक्खणे नोचित्तं एकं खन्धञ्च चित्तञ्च पटिच्च द्वे खन्धा कटत्ता च रूपं, द्वे खन्धे…पे… पटिसन्धिक्खणे चित्तञ्च वत्थुञ्च पटिच्च नोचित्ता खन्धा; पटिसन्धिक्खणे चित्तञ्च महाभूते च पटिच्च कटत्तारूपं. (१)

आरम्मणपच्चयो

५१. चित्तं धम्मं पटिच्च नोचित्तो धम्मो उप्पज्जति आरम्मणपच्चया – चित्तं पटिच्च सम्पयुत्तका खन्धा; पटिसन्धिक्खणे…पे…. (१)

नोचित्तं धम्मं पटिच्च नोचित्तो धम्मो उप्पज्जति आरम्मणपच्चया – नोचित्तं एकं खन्धं पटिच्च द्वे खन्धा, द्वे खन्धे…पे… पटिसन्धिक्खणे…पे… पटिसन्धिक्खणे वत्थुं पटिच्च खन्धा. (१)

नोचित्तं धम्मं पटिच्च चित्तो धम्मो उप्पज्जति आरम्मणपच्चया – नोचित्ते खन्धे पटिच्च चित्तं; पटिसन्धिक्खणे नोचित्ते खन्धे पटिच्च चित्तं; पटिसन्धिक्खणे वत्थुं पटिच्च चित्तं. (२)

नोचित्तं धम्मं पटिच्च चित्तो च नोचित्तो च धम्मा उप्पज्जन्ति आरम्मणपच्चया – नोचित्तं एकं खन्धं पटिच्च द्वे खन्धा चित्तञ्च, द्वे खन्धे पटिच्च…पे… पटिसन्धिक्खणे नोचित्तं एकं खन्धं पटिच्च द्वे खन्धा चित्तञ्च, द्वे खन्धे…पे… पटिसन्धिक्खणे वत्थुं पटिच्च चित्तञ्च सम्पयुत्तका च खन्धा. (३)

चित्तञ्च नोचित्तञ्च धम्मं पटिच्च नोचित्तो धम्मो उप्पज्जति आरम्मणपच्चया – नोचित्तं एकं खन्धञ्च चित्तञ्च पटिच्च द्वे खन्धा, द्वे खन्धे च…पे… पटिसन्धिक्खणे…पे… पटिसन्धिक्खणे चित्तञ्च वत्थुञ्च पटिच्च नोचित्ता खन्धा. (१) (संखित्तं).