२. सङ्ख्यावारो

सुद्धं

४६६. हेतुया चत्तारि, आरम्मणे चत्तारि, अधिपतिया द्वे, अनन्तरे चत्तारि, समनन्तरे चत्तारि, सहजाते पञ्च, अञ्ञमञ्ञे द्वे, निस्सये पञ्च, उपनिस्सये चत्तारि, पुरेजाते छ, पच्छाजाते छ, आसेवने एकं, कम्मे पञ्च, विपाके चत्तारि, आहारे नव, इन्द्रिये चत्तारि, झाने चत्तारि, मग्गे चत्तारि, सम्पयुत्ते द्वे, विप्पयुत्ते छ, अत्थिया नव, नत्थिया चत्तारि, विगते चत्तारि, अविगते नव.

पच्चनीयुद्धारो

४६७. उपादिन्नो धम्मो उपादिन्नस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

उपादिन्नो धम्मो अनुपादिन्नस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो. (२)

उपादिन्नो धम्मो उपादिन्नस्स च अनुपादिन्नस्स च धम्मस्स सहजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो. (३)

४६८. अनुपादिन्नो धम्मो अनुपादिन्नस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो. (१)

अनुपादिन्नो धम्मो उपादिन्नस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो. (२)

अनुपादिन्नो धम्मो उपादिन्नस्स च अनुपादिन्नस्स च धम्मस्स पच्छाजातपच्चयेन पच्चयो… आहारपच्चयेन पच्चयो. (३)

उपादिन्नो च अनुपादिन्नो च धम्मा उपादिन्नस्स धम्मस्स पुरेजातं, पच्छाजातं, आहारं, इन्द्रियं. (१)

उपादिन्नो च अनुपादिन्नो च धम्मा अनुपादिन्नस्स धम्मस्स सहजातं, पुरेजातं, पच्छाजातं, आहारं. (२)

उपादिन्नो च अनुपादिन्नो च धम्मा उपादिन्नस्स च अनुपादिन्नस्स च धम्मस्स आहारपच्चयेन पच्चयो. (३)