५. संसट्ठवारो

१-४. पच्चयानुलोमादि

४४३. उपादिन्नं धम्मं संसट्ठो उपादिन्नो धम्मो उप्पज्जति हेतुपच्चया – उपादिन्नं एकं खन्धं संसट्ठा तयो खन्धा…पे… द्वे खन्धे…पे… पटिसन्धिक्खणे…पे….

अनुपादिन्नं धम्मं संसट्ठो अनुपादिन्नो धम्मो उप्पज्जति हेतुपच्चया – अनुपादिन्नं एकं खन्धं संसट्ठा तयो खन्धा…पे… द्वे खन्धे…पे…. (१)

हेतुया द्वे, आरम्मणे द्वे, अधिपतिया एकं, अनन्तरे द्वे, समनन्तरे द्वे, सहजाते द्वे, अञ्ञमञ्ञे द्वे, निस्सये द्वे, उपनिस्सये द्वे, पुरेजाते द्वे, आसेवने एकं, कम्मे द्वे, विपाके द्वे…पे… अविगते द्वे.

अनुलोमं.

४४४. उपादिन्नं धम्मं संसट्ठो उपादिन्नो धम्मो उप्पज्जति नहेतुपच्चया – अहेतुकं उपादिन्नं एकं खन्धं संसट्ठा तयो खन्धा…पे… द्वे खन्धे…पे… अहेतुकपटिसन्धिक्खणे…पे…. (१)

अनुपादिन्नं धम्मं संसट्ठो अनुपादिन्नो धम्मो उप्पज्जति नहेतुपच्चया – अहेतुकं अनुपादिन्नं एकं खन्धं संसट्ठा तयो खन्धा…पे… द्वे खन्धे…पे… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो. (१)

नहेतुया द्वे, नअधिपतिया द्वे, नपुरेजाते द्वे, नपच्छाजाते द्वे, नआसेवने द्वे, नकम्मे एकं, नविपाके एकं, नझाने एकं, नमग्गे द्वे, नविप्पयुत्ते द्वे.

पच्चनीयं.