१. विभङ्गवारो

हेतुपच्चयो

४३४. उपादिन्नं धम्मं पच्चया उपादिन्नो धम्मो उप्पज्जति हेतुपच्चया – उपादिन्नं एकं खन्धं पच्चया तयो खन्धा…पे… द्वे खन्धे…पे… पटिसन्धिक्खणे उपादिन्नं एकं खन्धं पच्चया तयो खन्धा कटत्ता च रूपं…पे… द्वे खन्धे…पे… खन्धे पच्चया वत्थु, वत्थुं पच्चया खन्धा, एकं महाभूतं…पे… महाभूते पच्चया कटत्तारूपं उपादारूपं, वत्थुं पच्चया उपादिन्ना खन्धा. (१)

उपादिन्नं धम्मं पच्चया अनुपादिन्नो धम्मो उप्पज्जति हेतुपच्चया – उपादिन्ने खन्धे पच्चया चित्तसमुट्ठानं रूपं, वत्थुं पच्चया अनुपादिन्ना खन्धा. (२)

उपादिन्नं धम्मं पच्चया उपादिन्नो च अनुपादिन्नो च धम्मा उप्पज्जन्ति हेतुपच्चया – उपादिन्नं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

अनुपादिन्नं धम्मं पच्चया अनुपादिन्नो धम्मो उप्पज्जति हेतुपच्चया – अनुपादिन्नं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे… एकं महाभूतं…पे… महाभूते पच्चया चित्तसमुट्ठानं रूपं उपादारूपं. (१)

उपादिन्नञ्च अनुपादिन्नञ्च धम्मं पच्चया अनुपादिन्नो धम्मो उप्पज्जति हेतुपच्चया – उपादिन्ने खन्धे च महाभूते च पच्चया चित्तसमुट्ठानं रूपं, अनुपादिन्नं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे…. (१)

आरम्मणपच्चयो

४३५. उपादिन्नं धम्मं पच्चया उपादिन्नो धम्मो उप्पज्जति आरम्मणपच्चया – उपादिन्नं एकं खन्धं पच्चया तयो खन्धा…पे… द्वे खन्धे…पे… पटिसन्धिक्खणे…पे… वत्थुं पच्चया खन्धा, चक्खायतनं पच्चया चक्खुविञ्ञाणं…पे… कायायतनं…पे… वत्थुं पच्चया उपादिन्ना खन्धा. (१)

उपादिन्नं धम्मं पच्चया अनुपादिन्नो धम्मो उप्पज्जति आरम्मणपच्चया – वत्थुं पच्चया अनुपादिन्ना खन्धा. (२)

अनुपादिन्नं धम्मं पच्चया अनुपादिन्नो धम्मो उप्पज्जति आरम्मणपच्चया – अनुपादिन्नं एकं खन्धं पच्चया तयो खन्धा…पे… द्वे खन्धे…पे…. (१)

उपादिन्नञ्च अनुपादिन्नञ्च धम्मं पच्चया अनुपादिन्नो धम्मो उप्पज्जति आरम्मणपच्चया – अनुपादिन्नं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे…. (१)

अधिपतिपच्चयो

४३६. उपादिन्नं धम्मं पच्चया अनुपादिन्नो धम्मो उप्पज्जति अधिपतिपच्चया – वत्थुं पच्चया अनुपादिन्ना खन्धा. (१)

अनुपादिन्नं धम्मं पच्चया अनुपादिन्नो धम्मो उप्पज्जति अधिपतिपच्चया – अनुपादिन्नं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे… एकं महाभूतं…पे… महाभूते पच्चया चित्तसमुट्ठानं रूपं उपादारूपं. (१)

उपादिन्नञ्च अनुपादिन्नञ्च धम्मं पच्चया अनुपादिन्नो धम्मो उप्पज्जति अधिपतिपच्चया – अनुपादिन्नं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे…. (१) (संखित्तं.)