१-४. पच्चयानुलोमादि

३९३. नोउपादा धम्मं संसट्ठो नोउपादा धम्मो उप्पज्जति हेतुपच्चया – नोउपादा एकं खन्धं संसट्ठा तयो खन्धा…पे… द्वे खन्धे संसट्ठा द्वे खन्धा; पटिसन्धिक्खणे…पे… (संखित्तं).

हेतुया एकं, आरम्मणे एकं, अधिपतिया एकं (सब्बत्थ एकं), अविगते एकं.

अनुलोमं.

नोउपादा धम्मं संसट्ठो नोउपादा धम्मो उप्पज्जति नहेतुपच्चया – अहेतुकं नोउपादा एकं खन्धं संसट्ठा तयो खन्धा…पे… द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो (संखित्तं).

नहेतुया एकं, नअधिपतिया एकं, नपुरेजाते एकं, नपच्छाजाते एकं, नआसेवने एकं, नकम्मे एकं, नविपाके एकं, नझाने एकं, नमग्गे एकं, नविप्पयुत्ते एकं.

पच्चनीयं.