१. विभङ्गवारो

हेतुपच्चयो

३७०. उपादा धम्मं पटिच्च नोउपादा धम्मो उप्पज्जति हेतुपच्चया – पटिसन्धिक्खणे वत्थुं पटिच्च नोउपादा खन्धा. (१)

नोउपादा धम्मं पटिच्च नोउपादा धम्मो उप्पज्जति हेतुपच्चया – नोउपादा एकं खन्धं पटिच्च तयो खन्धा नोउपादा च चित्तसमुट्ठानं रूपं…पे… द्वे खन्धे…पे… पटिसन्धिक्खणे नोउपादा एकं खन्धं पटिच्च तयो खन्धा नोउपादा च कटत्तारूपं…पे… द्वे खन्धे…पे… एकं महाभूतं…पे… द्वे महाभूते पटिच्च द्वे महाभूता. (१)

नोउपादा धम्मं पटिच्च उपादा धम्मो उप्पज्जति हेतुपच्चया – नोउपादा खन्धे पटिच्च उपादा चित्तसमुट्ठानं रूपं; पटिसन्धिक्खणे…पे… महाभूते पटिच्च उपादा चित्तसमुट्ठानं रूपं कटत्तारूपं उपादारूपं. (२)

नोउपादा धम्मं पटिच्च उपादा च नोउपादा च धम्मा उप्पज्जन्ति हेतुपच्चया – नोउपादा एकं खन्धं पटिच्च तयो खन्धा उपादा च नोउपादा च चित्तसमुट्ठानं रूपं…पे… द्वे खन्धे…पे… पटिसन्धिक्खणे…पे…. (३)

उपादा च नोउपादा च धम्मं पटिच्च नोउपादा धम्मो उप्पज्जति हेतुपच्चया – पटिसन्धिक्खणे नोउपादा एकं खन्धञ्च वत्थुञ्च पटिच्च तयो खन्धा, द्वे खन्धे च…पे…. (१)

आरम्मणपच्चयो

३७१. उपादा धम्मं पटिच्च नोउपादा धम्मो उप्पज्जति आरम्मणपच्चया – पटिसन्धिक्खणे वत्थुं पटिच्च नोउपादा खन्धा. (१)

नोउपादा धम्मं पटिच्च नोउपादा धम्मो उप्पज्जति आरम्मणपच्चया – नोउपादा एकं खन्धं पटिच्च तयो खन्धा…पे… द्वे खन्धे…पे… पटिसन्धिक्खणे…पे…. (१)

उपादा च नोउपादा च धम्मं पटिच्च नोउपादा धम्मो उप्पज्जति आरम्मणपच्चया – पटिसन्धिक्खणे नोउपादा एकं खन्धञ्च वत्थुञ्च पटिच्च तयो खन्धा…पे… द्वे खन्धे च…पे…. (१)

अधिपतिपच्चयादि

३७२. नोउपादा धम्मं पटिच्च नोउपादा धम्मो उप्पज्जति अधिपतिपच्चया – नोउपादा एकं खन्धं पटिच्च तयो खन्धा नोउपादा च चित्तसमुट्ठानं रूपं…पे… द्वे खन्धे…पे…. (१)

नोउपादा धम्मं पटिच्च उपादा धम्मो उप्पज्जति अधिपतिपच्चया – नोउपादा खन्धे पटिच्च उपादा चित्तसमुट्ठानं रूपं, महाभूते पटिच्च उपादा चित्तसमुट्ठानं रूपं. (२)

नोउपादा धम्मं पटिच्च उपादा च नोउपादा च धम्मा उप्पज्जन्ति अधिपतिपच्चया – नोउपादा एकं खन्धं पटिच्च तयो खन्धा उपादा च नोउपादा च चित्तसमुट्ठानं रूपं…पे… द्वे खन्धे…पे…. (३)

अनन्तरपच्चया तीणि, समनन्तरपच्चया तीणि, सहजातपच्चया पञ्च.

अञ्ञमञ्ञपच्चयो

३७३. उपादा धम्मं पटिच्च नोउपादा धम्मो उप्पज्जति अञ्ञमञ्ञपच्चया – पटिसन्धिक्खणे वत्थुं पटिच्च नोउपादा खन्धा. (१)

नोउपादा धम्मं पटिच्च नोउपादा धम्मो उप्पज्जति अञ्ञमञ्ञपच्चया – नोउपादा एकं खन्धं पटिच्च तयो खन्धा…पे… द्वे खन्धे…पे… पटिसन्धिक्खणे…पे… एकं महाभूतं…पे… असञ्ञसत्तानं एकं महाभूतं पटिच्च…पे… द्वे महाभूते पटिच्च द्वे महाभूता. (१)

नोउपादा धम्मं पटिच्च उपादा धम्मो उप्पज्जति अञ्ञमञ्ञपच्चया – पटिसन्धिक्खणे नोउपादा खन्धे पटिच्च वत्थु. (२)

नोउपादा धम्मं पटिच्च उपादा च नोउपादा च धम्मा उप्पज्जन्ति अञ्ञमञ्ञपच्चया – पटिसन्धिक्खणे नोउपादा एकं खन्धं पटिच्च तयो खन्धा वत्थु च…पे… द्वे खन्धे…पे…. (३)

उपादा च नोउपादा च धम्मं पटिच्च नोउपादा धम्मो उप्पज्जति अञ्ञमञ्ञपच्चया – पटिसन्धिक्खणे नोउपादा एकं खन्धञ्च वत्थुञ्च पटिच्च तयो खन्धा…पे… द्वे खन्धे च…पे… (संखित्तं). (१)