१. विभङ्गवारो

हेतुपच्चयो

३४०. बाहिरो धम्मो बाहिरस्स धम्मस्स हेतुपच्चयेन पच्चयो – बाहिरा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो – पटिसन्धिक्खणे बाहिरा हेतू सम्पयुत्तकानं खन्धानं बाहिरानञ्च कटत्तारूपानं हेतुपच्चयेन पच्चयो. (१)

बाहिरो धम्मो अज्झत्तिकस्स धम्मस्स हेतुपच्चयेन पच्चयो – बाहिरा हेतू चित्तस्स हेतुपच्चयेन पच्चयो; पटिसन्धिक्खणे बाहिरा हेतू चित्तस्स अज्झत्तिकानञ्च कटत्तारूपानं हेतुपच्चयेन पच्चयो. (२)

बाहिरो धम्मो अज्झत्तिकस्स च बाहिरस्स च धम्मस्स हेतुपच्चयेन पच्चयो – बाहिरा हेतू सम्पयुत्तकानं खन्धानं चित्तस्स च चित्तसमुट्ठानानञ्च रूपानं हेतुपच्चयेन पच्चयो; पटिसन्धिक्खणे बाहिरा हेतू सम्पयुत्तकानं खन्धानं चित्तस्स च अज्झत्तिकानञ्च बाहिरानञ्च कटत्तारूपानं हेतुपच्चयेन पच्चयो. (३)

आरम्मणपच्चयो

३४१. अज्झत्तिको धम्मो अज्झत्तिकस्स धम्मस्स आरम्मणपच्चयेन पच्चयो – चित्तं आरब्भ चित्तं उप्पज्जति. (मूलं पुच्छितब्बं) चित्तं आरब्भ बाहिरा खन्धा उप्पज्जन्ति. (मूलं पुच्छितब्बं) चित्तं आरब्भ चित्तञ्च सम्पयुत्तका च खन्धा उप्पज्जन्ति. (३)

बाहिरो धम्मो बाहिरस्स धम्मस्स आरम्मणपच्चयेन पच्चयो – दानं…पे… सीलं…पे… उपोसथकम्मं कत्वा तं पच्चवेक्खति अस्सादेति अभिनन्दति, तं आरब्भ रागो…पे… दोमनस्सं उप्पज्जति; पुब्बे सुचिण्णानि पच्चवेक्खति, झाना वुट्ठहित्वा झानं…पे… अरिया मग्गा वुट्ठहित्वा मग्गं…पे… फलं…पे… निब्बानं पच्चवेक्खन्ति… निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो. अरिया बाहिरे पहीने किलेसे पच्चवेक्खन्ति, विक्खम्भिते किलेसे…पे… पुब्बे समुदाचिण्णे किलेसे जानन्ति, रूपे…पे… वत्थुं बाहिरे खन्धे अनिच्चतो…पे… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति. चेतोपरियञाणेन बाहिरचित्तसमङ्गिस्स चित्तं जानाति, आकासानञ्चायतनं विञ्ञाणञ्चायतनस्स…पे… आकिञ्चञ्ञायतनं नेवसञ्ञानासञ्ञायतनस्स…पे… रूपायतनं चक्खुविञ्ञाणसहगतानं खन्धानं आरम्मणपच्चयेन पच्चयो…पे… फोट्ठब्बायतनं…पे… बाहिरा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (१)

बाहिरो धम्मो अज्झत्तिकस्स धम्मस्स आरम्मणपच्चयेन पच्चयो – दानं…पे… सीलं…पे… उपोसथकम्मं कत्वा तं पच्चवेक्खति अस्सादेति अभिनन्दति, तं आरब्भ चित्तं उप्पज्जति. पुब्बे सुचिण्णानि…पे… झानं…पे… (संखित्तं, सब्बं कातब्बं) पुब्बे समुदाचिण्णे…पे… रूपे…पे… वत्थुं बाहिरे खन्धे अनिच्चतो…पे… विपस्सति, अस्सादेति अभिनन्दति, तं आरब्भ चित्तं उप्पज्जति. दिब्बेन चक्खुना रूपं पस्सति…पे… रूपायतनं चक्खुविञ्ञाणस्स…पे… फोट्ठब्बायतनं…पे… बाहिरा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (३)

बाहिरो धम्मो अज्झत्तिकस्स च बाहिरस्स च धम्मस्स आरम्मणपच्चयेन पच्चयो – दानं…पे… सीलं…पे… उपोसथकम्मं कत्वा तं पच्चवेक्खति अस्सादेति अभिनन्दति, तं आरब्भ चित्तञ्च सम्पयुत्तका च खन्धा उप्पज्जन्ति (संखित्तं, सब्बं कातब्बं). बाहिरे खन्धे अनिच्चतो…पे… विपस्सति, अस्सादेति अभिनन्दति, तं आरब्भ चित्तञ्च सम्पयुत्तका च खन्धा उप्पज्जन्ति. दिब्बेन चक्खुना रूपं पस्सति…पे… रूपायतनं चक्खुविञ्ञाणस्स च सम्पयुत्तकानञ्च खन्धानं…पे… फोट्ठब्बायतनं…पे… बाहिरा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (३)

अज्झत्तिको च बाहिरो च धम्मा अज्झत्तिकस्स धम्मस्स आरम्मणपच्चयेन पच्चयो… तीणि.

अधिपतिपच्चयो

३४२. अज्झत्तिको धम्मो अज्झत्तिकस्स धम्मस्स अधिपतिपच्चयेन पच्चयो. आरम्मणाधिपति – चित्तं गरुं कत्वा चित्तं उप्पज्जति. (१)

अज्झत्तिको धम्मो बाहिरस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – चित्तं गरुं कत्वा बाहिरा खन्धा उप्पज्जन्ति. सहजाताधिपति – चित्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (मूलं) आरम्मणाधिपति – अज्झत्तिकं चित्तं गरुं कत्वा चित्तञ्च सम्पयुत्तका च खन्धा उप्पज्जन्ति. (३)

बाहिरो धम्मो बाहिरस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – दानं दत्वा…पे… तीणि (द्वे अधिपती तिण्णम्पि कातब्बा). (३)

अज्झत्तिको च बाहिरो च धम्मा अज्झत्तिकस्स धम्मस्स अधिपतिपच्चयेन पच्चयो… तीणि (तिण्णम्पि एकायेव अधिपति).

अनन्तरपच्चयादि

३४३. अज्झत्तिको धम्मो अज्झत्तिकस्स धम्मस्स अनन्तरपच्चयेन पच्चयो – पुरिमं पुरिमं चित्तं पच्छिमस्स पच्छिमस्स चित्तस्स अनन्तरपच्चयेन पच्चयो… तीणि.

बाहिरो धम्मो बाहिरस्स धम्मस्स अनन्तरपच्चयेन पच्चयो – पुरिमा पुरिमा बाहिरा खन्धा पच्छिमानं पच्छिमानं खन्धानं अनन्तरपच्चयेन पच्चयो; अनुलोमं गोत्रभुस्स…पे… तीणि (तिण्णम्पि एकसदिसा).

अज्झत्तिको च बाहिरो च धम्मा अज्झत्तिकस्स धम्मस्स अनन्तरपच्चयेन पच्चयो… तीणि, समनन्तरपच्चयेन पच्चयो… नव, सहजातपच्चयेन पच्चयो… नव (पटिच्चसदिसा), अञ्ञमञ्ञपच्चयेन पच्चयो… पञ्च (पटिच्चसदिसा), निस्सयपच्चयेन पच्चयो… नव, (पच्चयवारसदिसा).

उपनिस्सयपच्चयो

३४४. अज्झत्तिको धम्मो अज्झत्तिकस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – चित्तं चित्तस्स उपनिस्सयपच्चयेन पच्चयो… तीणि.

बाहिरो धम्मो बाहिरस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं उपनिस्साय दानं देति…पे… मानं जप्पेति, दिट्ठिं गण्हाति; सीलं…पे… सेनासनं उपनिस्साय दानं देति…पे… सङ्घं भिन्दति; सद्धा…पे… सेनासनं सद्धाय…पे… फलसमापत्तिया उपनिस्सयपच्चयेन पच्चयो, (तीणिपि पूरेत्वा कातब्बा, चित्तस्साति कातब्बा, सम्पयुत्तकानञ्चाति कातब्बा).

अज्झत्तिको च बाहिरो च धम्मा अज्झत्तिकस्स धम्मस्स उपनिस्सयपच्चयेन पच्चयो… तीणि.

पुरेजातपच्चयो

३४५. अज्झत्तिको धम्मो अज्झत्तिकस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं …पे… कायं अनिच्चतो…पे… विपस्सति, अस्सादेति अभिनन्दति, तं आरब्भ चित्तं उप्पज्जति. वत्थुपुरेजातं – चक्खायतनं चक्खुविञ्ञाणस्स…पे… कायायतनं कायविञ्ञाणस्स पुरेजातपच्चयेन पच्चयो. (१)

अज्झत्तिको धम्मो बाहिरस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… कायं अनिच्चतो…पे… विपस्सति, अस्सादेति…पे… दोमनस्सं उप्पज्जति. वत्थुपुरेजातं – चक्खायतनं चक्खुविञ्ञाणसहगतानं खन्धानं…पे… कायायतनं कायविञ्ञाणसहगतानं खन्धानं पुरेजातपच्चयेन पच्चयो. (२)

अज्झत्तिको धम्मो अज्झत्तिकस्स च बाहिरस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… कायं अनिच्चतो…पे… विपस्सति, तं आरब्भ चित्तञ्च सम्पयुत्तका खन्धा च उप्पज्जन्ति. वत्थुपुरेजातं – चक्खायतनं चक्खुविञ्ञाणस्स सम्पयुत्तकानञ्च खन्धानं…पे… कायायतनं कायविञ्ञाणस्स सम्पयुत्तकानञ्च खन्धानं पुरेजातपच्चयेन पच्चयो. (३)

३४६. बाहिरो धम्मो बाहिरस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – रूपे…पे… फोट्ठब्बे… वत्थुं अनिच्चतो…पे… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति. वत्थुपुरेजातं – वत्थु बाहिरानं खन्धानं पुरेजातपच्चयेन पच्चयो. (१)

बाहिरो धम्मो अज्झत्तिकस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – रूपे…पे… फोट्ठब्बे… वत्थुं अनिच्चतो…पे… तं आरब्भ चित्तं उप्पज्जति. दिब्बेन चक्खुना रूपं पस्सति, दिब्बाय सोतधातुया सद्दं सुणाति. वत्थुपुरेजातं – वत्थु चित्तस्स पुरेजातपच्चयेन पच्चयो. (२)

बाहिरो धम्मो अज्झत्तिकस्स च बाहिरस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – रूपे…पे… फोट्ठब्बे… वत्थुं अनिच्चतो…पे… तं आरब्भ चित्तञ्च सम्पयुत्तका खन्धा च उप्पज्जन्ति. दिब्बेन चक्खुना रूपं पस्सति, दिब्बाय सोतधातुया सद्दं सुणाति. वत्थुपुरेजातं – वत्थु चित्तस्स सम्पयुत्तकानञ्च खन्धानं पुरेजातपच्चयेन पच्चयो. (३)

३४७. अज्झत्तिको च बाहिरो च धम्मा अज्झत्तिकस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. चक्खायतनञ्च वत्थु च चित्तस्स…पे… कायायतनञ्च वत्थु च चित्तस्स पुरेजातपच्चयेन पच्चयो; रूपायतनञ्च चक्खायतनञ्च चक्खुविञ्ञाणस्स…पे… फोट्ठब्बायतनञ्च कायायतनञ्च कायविञ्ञाणस्स पुरेजातपच्चयेन पच्चयो. (१)

अज्झत्तिको च बाहिरो च धम्मा बाहिरस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. चक्खायतनञ्च वत्थु च बाहिरानं खन्धानं पुरेजातपच्चयेन पच्चयो…पे… कायायतनञ्च वत्थु च बाहिरानं खन्धानं पुरेजातपच्चयेन पच्चयो; रूपायतनञ्च चक्खायतनञ्च चक्खुविञ्ञाणसहगतानं खन्धानं पुरेजातपच्चयेन पच्चयो…पे… फोट्ठब्बायतनञ्च कायायतनञ्च कायविञ्ञाणसहगतानं खन्धानं पुरेजातपच्चयेन पच्चयो. (२)

अज्झत्तिको च बाहिरो च धम्मा अज्झत्तिकस्स च बाहिरस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. चक्खायतनञ्च वत्थु च चित्तस्स सम्पयुत्तकानञ्च खन्धानं पुरेजातपच्चयेन पच्चयो…पे… कायायतनञ्च वत्थु च…पे… रूपायतनञ्च चक्खायतनञ्च चक्खुविञ्ञाणस्स सम्पयुत्तकानञ्च खन्धानं पुरेजातपच्चयेन पच्चयो…पे… फोट्ठब्बायतनञ्च…पे…. (३)

पच्छाजातासेवनपच्चया

३४८. अज्झत्तिको धम्मो अज्झत्तिकस्स धम्मस्स पच्छाजातपच्चयेन पच्चयो – पच्छाजाता अज्झत्तिका खन्धा पुरेजातस्स इमस्स अज्झत्तिकस्स कायस्स पच्छाजातपच्चयेन पच्चयो. (मूलं कातब्बं) पच्छाजाता अज्झत्तिका खन्धा पुरेजातस्स इमस्स बाहिरस्स कायस्स पच्छाजातपच्चयेन पच्चयो. (मूलं कातब्बं) पच्छाजाता अज्झत्तिका खन्धा पुरेजातस्स इमस्स अज्झत्तिकस्स च बाहिरस्स च कायस्स पच्छाजातपच्चयेन पच्चयो (एवं नवपि पञ्हा कातब्बा), आसेवनपच्चयेन पच्चयो (नव पञ्हा कातब्बा).

कम्म-विपाकपच्चया

३४९. बाहिरो धम्मो बाहिरस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – बाहिरा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे…. नानाक्खणिका – बाहिरा चेतना विपाकानं बाहिरानं खन्धानं कटत्ता च रूपानं कम्मपच्चयेन पच्चयो. (१)

बाहिरो धम्मो अज्झत्तिकस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – बाहिरा चेतना चित्तस्स कम्मपच्चयेन पच्चयो; पटिसन्धिक्खणे…पे…. नानाक्खणिका – बाहिरा चेतना विपाकस्स चित्तस्स अज्झत्तिकानञ्च कटत्तारूपानं कम्मपच्चयेन पच्चयो. (२)

बाहिरो धम्मो अज्झत्तिकस्स च बाहिरस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – बाहिरा चेतना सम्पयुत्तकानं खन्धानं चित्तस्स च चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे…. नानाक्खणिका – बाहिरा चेतना विपाकानं खन्धानं चित्तस्स च अज्झत्तिकानञ्च बाहिरानञ्च कटत्तारूपानं कम्मपच्चयेन पच्चयो. (३) विपाकपच्चयेन पच्चयो… नव.

आहारपच्चयो

३५०. अज्झत्तिको धम्मो अज्झत्तिकस्स धम्मस्स आहारपच्चयेन पच्चयो – पटिसन्धिक्खणे अज्झत्तिका आहारा अज्झत्तिकानं कटत्तारूपानं आहारपच्चयेन पच्चयो. (१)

अज्झत्तिको धम्मो बाहिरस्स धम्मस्स आहारपच्चयेन पच्चयो – अज्झत्तिका आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो; पटिसन्धिक्खणे अज्झत्तिका आहारा सम्पयुत्तकानं खन्धानं बाहिरानञ्च कटत्तारूपानं आहारपच्चयेन पच्चयो. (मूलं कातब्बं) पटिसन्धिक्खणे अज्झत्तिका आहारा सम्पयुत्तकानं खन्धानं अज्झत्तिकानञ्च बाहिरानञ्च कटत्तारूपानं आहारपच्चयेन पच्चयो. (३)

३५१. बाहिरो धम्मो बाहिरस्स धम्मस्स आहारपच्चयेन पच्चयो – बाहिरा आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो; पटिसन्धिक्खणे…पे… बाहिरो कबळीकारो आहारो बाहिरस्स कायस्स आहारपच्चयेन पच्चयो. (१)

बाहिरो धम्मो अज्झत्तिकस्स धम्मस्स आहारपच्चयेन पच्चयो – बाहिरा आहारा चित्तस्स आहारपच्चयेन पच्चयो; पटिसन्धिक्खणे बाहिरा आहारा चित्तस्स अज्झत्तिकानञ्च कटत्तारूपानं आहारपच्चयेन पच्चयो; बाहिरो कबळीकारो आहारो अज्झत्तिकस्स कायस्स आहारपच्चयेन पच्चयो. (२)

बाहिरो धम्मो अज्झत्तिकस्स च बाहिरस्स च धम्मस्स आहारपच्चयेन पच्चयो – बाहिरा आहारा सम्पयुत्तकानं खन्धानं चित्तस्स च चित्तसमुट्ठानानञ्च रूपानं आहारपच्चयेन पच्चयो; पटिसन्धिक्खणे बाहिरा आहारा सम्पयुत्तकानं खन्धानं चित्तस्स च अज्झत्तिकानञ्च बाहिरानञ्च कटत्तारूपानं आहारपच्चयेन पच्चयो; बाहिरो कबळीकारो आहारो अज्झत्तिकस्स च बाहिरस्स च कायस्स आहारपच्चयेन पच्चयो. (३)

३५२. अज्झत्तिको च बाहिरो च धम्मा अज्झत्तिकस्स धम्मस्स आहारपच्चयेन पच्चयो – पटिसन्धिक्खणे अज्झत्तिका च बाहिरा च आहारा अज्झत्तिकानं कटत्तारूपानं आहारपच्चयेन पच्चयो. (१)

अज्झत्तिको च बाहिरो च धम्मा बाहिरस्स धम्मस्स आहारपच्चयेन पच्चयो – अज्झत्तिका च बाहिरा च आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो; पटिसन्धिक्खणे अज्झत्तिका च बाहिरा च आहारा सम्पयुत्तकानं खन्धानं बाहिरानञ्च कटत्तारूपानं आहारपच्चयेन पच्चयो. (२)

अज्झत्तिको च बाहिरो च धम्मा अज्झत्तिकस्स च बाहिरस्स च धम्मस्स आहारपच्चयेन पच्चयो – पटिसन्धिक्खणे अज्झत्तिका च बाहिरा च आहारा सम्पयुत्तकानं खन्धानं अज्झत्तिकानञ्च बाहिरानञ्च कटत्तारूपानं आहारपच्चयेन पच्चयो. (३)

इन्द्रियपच्चयो

३५३. अज्झत्तिको धम्मो अज्झत्तिकस्स धम्मस्स इन्द्रियपच्चयेन पच्चयो – पटिसन्धिक्खणे अज्झत्तिका इन्द्रिया अज्झत्तिकानं कटत्तारूपानं इन्द्रियपच्चयेन पच्चयो, चक्खुन्द्रियं चक्खुविञ्ञाणस्स…पे… कायिन्द्रियं कायविञ्ञाणस्स इन्द्रियपच्चयेन पच्चयो. (१)

अज्झत्तिको धम्मो बाहिरस्स धम्मस्स इन्द्रियपच्चयेन पच्चयो – अज्झत्तिका इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो; पटिसन्धिक्खणे अज्झत्तिका इन्द्रिया सम्पयुत्तकानं खन्धानं बाहिरानञ्च कटत्तारूपानं इन्द्रियपच्चयेन पच्चयो, चक्खुन्द्रियं चक्खुविञ्ञाणसहगतानं खन्धानं…पे… कायिन्द्रियं कायविञ्ञाणसहगतानं खन्धानं इन्द्रियपच्चयेन पच्चयो. (२)

अज्झत्तिको धम्मो अज्झत्तिकस्स च बाहिरस्स च धम्मस्स इन्द्रियपच्चयेन पच्चयो – पटिसन्धिक्खणे अज्झत्तिका इन्द्रिया सम्पयुत्तकानं खन्धानं अज्झत्तिकानञ्च बाहिरानञ्च कटत्तारूपानं इन्द्रियपच्चयेन पच्चयो, चक्खुन्द्रियं चक्खुविञ्ञाणस्स सम्पयुत्तकानञ्च खन्धानं…पे… कायिन्द्रियं कायविञ्ञाणस्स सम्पयुत्तकानञ्च खन्धानं इन्द्रियपच्चयेन पच्चयो. (३)

३५४. बाहिरो धम्मो बाहिरस्स धम्मस्स इन्द्रियपच्चयेन पच्चयो – बाहिरा इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो; पटिसन्धिक्खणे बाहिरा इन्द्रिया सम्पयुत्तकानं खन्धानं बाहिरानञ्च कटत्तारूपानं इन्द्रियपच्चयेन पच्चयो, रूपजीवितिन्द्रियं बाहिरानं कटत्तारूपानं इन्द्रियपच्चयेन पच्चयो. (१)

बाहिरो धम्मो अज्झत्तिकस्स धम्मस्स इन्द्रियपच्चयेन पच्चयो – बाहिरा इन्द्रिया चित्तस्स इन्द्रियपच्चयेन पच्चयो; पटिसन्धिक्खणे बाहिरा इन्द्रिया चित्तस्स अज्झत्तिकानञ्च कटत्तारूपानं इन्द्रियपच्चयेन पच्चयो, रूपजीवितिन्द्रियं अज्झत्तिकानं कटत्तारूपानं इन्द्रियपच्चयेन पच्चयो. (२)

बाहिरो धम्मो अज्झत्तिकस्स च बाहिरस्स च धम्मस्स इन्द्रियपच्चयेन पच्चयो – बाहिरा इन्द्रिया सम्पयुत्तकानं खन्धानं चित्तस्स च चित्तसमुट्ठानानञ्च रूपानं इन्द्रियपच्चयेन पच्चयो; पटिसन्धिक्खणे बाहिरा इन्द्रिया सम्पयुत्तकानं खन्धानं चित्तस्स च अज्झत्तिकानञ्च बाहिरानञ्च कटत्तारूपानं इन्द्रियपच्चयेन पच्चयो, रूपजीवितिन्द्रियं अज्झत्तिकानञ्च बाहिरानञ्च कटत्तारूपानं इन्द्रियपच्चयेन पच्चयो. (३)

३५५. अज्झत्तिको च बाहिरो च धम्मा अज्झत्तिकस्स धम्मस्स इन्द्रियपच्चयेन पच्चयो – पटिसन्धिक्खणे अज्झत्तिका च बाहिरा च इन्द्रिया अज्झत्तिकानं कटत्तारूपानं इन्द्रियपच्चयेन पच्चयो, चक्खुन्द्रियञ्च उपेक्खिन्द्रियञ्च चक्खुविञ्ञाणस्स इन्द्रियपच्चयेन पच्चयो…पे… कायिन्द्रियञ्च सुखिन्द्रियं च…पे… कायिन्द्रियञ्च दुक्खिन्द्रियञ्च कायविञ्ञाणस्स इन्द्रियपच्चयेन पच्चयो. (१)

अज्झत्तिको च बाहिरो च धम्मा बाहिरस्स धम्मस्स इन्द्रियपच्चयेन पच्चयो – अज्झत्तिका च बाहिरा च इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो; पटिसन्धिक्खणे अज्झत्तिका च बाहिरा च इन्द्रिया सम्पयुत्तकानं खन्धानं बाहिरानञ्च कटत्तारूपानं इन्द्रियपच्चयेन पच्चयो, चक्खुन्द्रियञ्च उपेक्खिन्द्रियञ्च चक्खुविञ्ञाणसहगतानं खन्धानं इन्द्रियपच्चयेन पच्चयो…पे… कायिन्द्रियञ्च सुखिन्द्रियञ्च…पे… कायिन्द्रियञ्च दुक्खिन्द्रियञ्च कायविञ्ञाणसहगतानं खन्धानं इन्द्रियपच्चयेन पच्चयो. (२)

अज्झत्तिको च बाहिरो च धम्मा अज्झत्तिकस्स च बाहिरस्स च धम्मस्स इन्द्रियपच्चयेन पच्चयो – पटिसन्धिक्खणे अज्झत्तिका च बाहिरा च इन्द्रिया सम्पयुत्तकानं खन्धानं अज्झत्तिकानञ्च बाहिरानञ्च कटत्तारूपानं इन्द्रियपच्चयेन पच्चयो, चक्खुन्द्रियञ्च उपेक्खिन्द्रियञ्च चक्खुविञ्ञाणस्स सम्पयुत्तकानञ्च खन्धानं इन्द्रियपच्चयेन पच्चयो… कायिन्द्रियञ्च…पे…. (३)

झानपच्चयादि

३५६. बाहिरो धम्मो बाहिरस्स धम्मस्स झानपच्चयेन पच्चयो… तीणि… मग्गपच्चयेन पच्चयो… तीणि… सम्पयुत्तपच्चयेन पच्चयो… पञ्च.

विप्पयुत्तपच्चयो

३५७. अज्झत्तिको धम्मो अज्झत्तिकस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजातं – पटिसन्धिक्खणे चित्तं अज्झत्तिकानं कटत्तारूपानं विप्पयुत्तपच्चयेन पच्चयो. पुरेजातं – चक्खायतनं चक्खुविञ्ञाणस्स…पे… कायायतनं कायविञ्ञाणस्स विप्पयुत्तपच्चयेन पच्चयो. पच्छाजाता – अज्झत्तिका खन्धा पुरेजातस्स इमस्स अज्झत्तिकस्स कायस्स विप्पयुत्तपच्चयेन पच्चयो. (१)

अज्झत्तिको धम्मो बाहिरस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजाता – अज्झत्तिका खन्धा चित्तसमुट्ठानानं रूपानं विप्पयुत्तपच्चयेन पच्चयो; पटिसन्धिक्खणे…पे…. पुरेजातं – चक्खायतनं चक्खुविञ्ञाणसहगतानं खन्धानं…पे… कायायतनं कायविञ्ञाणसहगतानं खन्धानं विप्पयुत्तपच्चयेन पच्चयो. पच्छाजाता – अज्झत्तिका खन्धा पुरेजातस्स इमस्स बाहिरस्स कायस्स विप्पयुत्तपच्चयेन पच्चयो. (२)

अज्झत्तिको धम्मो अज्झत्तिकस्स च बाहिरस्स च धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजाता – पटिसन्धिक्खणे अज्झत्तिका खन्धा अज्झत्तिकानञ्च बाहिरानञ्च कटत्तारूपानं विप्पयुत्तपच्चयेन पच्चयो. पुरेजातं – चक्खायतनं चक्खुविञ्ञाणस्स सम्पयुत्तकानञ्च खन्धानं…पे… कायायतनं कायविञ्ञाणस्स सम्पयुत्तकानं खन्धानं विप्पयुत्तपच्चयेन पच्चयो. पच्छाजाता – अज्झत्तिका खन्धा पुरेजातस्स इमस्स अज्झत्तिकस्स च बाहिरस्स च कायस्स विप्पयुत्तपच्चयेन पच्चयो. (३)

३५८. बाहिरो धम्मो बाहिरस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजाता – बाहिरा खन्धा चित्तसमुट्ठानानं रूपानं विप्पयुत्तपच्चयेन पच्चयो; पटिसन्धिक्खणे…पे… खन्धा वत्थुस्स विप्पयुत्तपच्चयेन पच्चयो; वत्थु खन्धानं विप्पयुत्तपच्चयेन पच्चयो. पुरेजातं – वत्थु बाहिरानं खन्धानं विप्पयुत्तपच्चयेन पच्चयो. पच्छाजाता – बाहिरा खन्धा पुरेजातस्स इमस्स बाहिरस्स कायस्स विप्पयुत्तपच्चयेन पच्चयो. (१)

बाहिरो धम्मो अज्झत्तिकस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजाता – पटिसन्धिक्खणे बाहिरा खन्धा अज्झत्तिकानं कटत्तारूपानं विप्पयुत्तपच्चयेन पच्चयो; पटिसन्धिक्खणे वत्थु चित्तस्स विप्पयुत्तपच्चयेन पच्चयो. पुरेजातं – वत्थु चित्तस्स विप्पयुत्तपच्चयेन पच्चयो. पच्छाजाता – बाहिरा खन्धा पुरेजातस्स इमस्स अज्झत्तिकस्स कायस्स विप्पयुत्तपच्चयेन पच्चयो. (२)

बाहिरो धम्मो अज्झत्तिकस्स च बाहिरस्स च धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं (संखित्तं). (३)

३५९. अज्झत्तिको च बाहिरो च धम्मा अज्झत्तिकस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – पटिसन्धिक्खणे अज्झत्तिका च बाहिरा च खन्धा अज्झत्तिकानं कटत्तारूपानं विप्पयुत्तपच्चयेन पच्चयो. पच्छाजातं – पच्छाजाता…पे… (संखित्तं). (१)

अज्झत्तिको च बाहिरो च धम्मा बाहिरस्स धम्मस्स विप्पयुत्तपच्चयेन पच्चयो – सहजातं, पच्छाजातं (संखित्तं). (२)

अज्झत्तिको च बाहिरो च धम्मा अज्झत्तिकस्स च बाहिरस्स च धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – पटिसन्धिक्खणे अज्झत्तिका च बाहिरा च खन्धा…पे… (संखित्तं). (३)

अत्थिपच्चयादि

३६०. अज्झत्तिको धम्मो अज्झत्तिकस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं. सहजाता – पटिसन्धिक्खणे चित्तं अज्झत्तिकानं कटत्तारूपानं अत्थिपच्चयेन पच्चयो. पुरेजातं – चक्खुं…पे… कायं अनिच्चतो…पे… (पुरेजातसदिसं, निन्नानाकरणं). पच्छाजातं (पच्छाजातसदिसं कातब्बं). (१)

अज्झत्तिको धम्मो बाहिरस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं. सहजातं – सहजाता अज्झत्तिका खन्धा सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो (संखित्तं). (२)

(इध अत्थि सब्बट्ठाने सहजातं पच्चयवारसदिसं. पुरेजातं पुरेजातसदिसं. पच्छाजातं पच्छाजातसदिसं कातब्बं, निन्नानाकरणं).

अज्झत्तिको धम्मो अज्झत्तिकस्स च बाहिरस्स च धम्मस्स अत्थिपच्चयेन पच्चयो – सहजातं, पुरेजातं, पच्छाजातं (संखित्तं). (३)

३६१. बाहिरो धम्मो बाहिरस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (सब्बं वित्थारेतब्बं). (१)

बाहिरो धम्मो अज्झत्तिकस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (संखित्तं). (२)

बाहिरो धम्मो अज्झत्तिकस्स च बाहिरस्स च धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (संखित्तं). (३)

३६२. अज्झत्तिको च बाहिरो च धम्मा अज्झत्तिकस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजाता – चक्खुविञ्ञाणसहगता खन्धा च चक्खायतनञ्च चक्खुविञ्ञाणसहगता खन्धा च चक्खायतनञ्च चक्खुविञ्ञाणस्स अत्थिपच्चयेन पच्चयो…पे… कायविञ्ञाणसहगता खन्धा च…पे… पटिसन्धिक्खणे अज्झत्तिका च बाहिरा च खन्धा अज्झत्तिकानं कटत्तारूपानं अत्थिपच्चयेन पच्चयो. पुरेजातं – चक्खायतनञ्च वत्थु च चित्तस्स अत्थिपच्चयेन पच्चयो…पे… कायायतनञ्च वत्थु च चित्तस्स अत्थिपच्चयेन पच्चयो; रूपायतनञ्च चक्खायतनञ्च चक्खुविञ्ञाणस्स…पे… फोट्ठब्बायतनञ्च कायायतनञ्च कायविञ्ञाणस्स अत्थिपच्चयेन पच्चयो. पच्छाजाता – अज्झत्तिका च बाहिरा च खन्धा पुरेजातस्स इमस्स अज्झत्तिकस्स कायस्स अत्थिपच्चयेन पच्चयो. पच्छाजाता – अज्झत्तिका च बाहिरा च खन्धा कबळीकारो आहारो च इमस्स अज्झत्तिकस्स कायस्स अत्थिपच्चयेन पच्चयो. पच्छाजाता – अज्झत्तिका च बाहिरा च खन्धा रूपजीवितिन्द्रियञ्च अज्झत्तिकानं कटत्तारूपानं अत्थिपच्चयेन पच्चयो. (१)

अज्झत्तिको च बाहिरो च धम्मा बाहिरस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजातो – चक्खुविञ्ञाणसहगतो एको खन्धो च चक्खायतनञ्च चक्खुविञ्ञाणञ्च द्विन्नं खन्धानं अत्थिपच्चयेन पच्चयो…पे… (सहजातपच्चयवारसदिसं निन्नानाकरणं, पठमगमनसदिसंयेव. सब्बे पदा पठमघटनानयेन विभजितब्बा). (२)

अज्झत्तिको च बाहिरो च धम्मा अज्झत्तिकस्स च बाहिरस्स च धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजातो – चक्खुविञ्ञाणसहगतो एको खन्धो च चक्खायतनञ्च द्विन्नं खन्धानं चक्खुविञ्ञाणस्स च अत्थिपच्चयेन पच्चयो (संखित्तं. सब्बे पदा विभजितब्बा पठमघटनानयेन). (३)

नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो.