१. विभङ्गवारो

हेतुपच्चयो

२९६. चित्तसंसट्ठसमुट्ठानं धम्मं संसट्ठो चित्तसंसट्ठसमुट्ठानो धम्मो उप्पज्जति हेतुपच्चया – चित्तसंसट्ठसमुट्ठानं एकं खन्धं संसट्ठा द्वे खन्धा, द्वे खन्धे…पे… पटिसन्धिक्खणे…पे…. (१)

चित्तसंसट्ठसमुट्ठानं धम्मं संसट्ठो नोचित्तसंसट्ठसमुट्ठानो धम्मो उप्पज्जति हेतुपच्चया – चित्तसंसट्ठसमुट्ठाने खन्धे संसट्ठं चित्तं; पटिसन्धिक्खणे…पे…. (२)

चित्तसंसट्ठसमुट्ठानं धम्मं संसट्ठो चित्तसंसट्ठसमुट्ठानो च नोचित्तसंसट्ठसमुट्ठानो च धम्मा उप्पज्जन्ति हेतुपच्चया – चित्तसंसट्ठसमुट्ठानं एकं खन्धं संसट्ठा द्वे खन्धा चित्तञ्च, द्वे खन्धे…पे… पटिसन्धिक्खणे…पे…. (३)

नोचित्तसंसट्ठसमुट्ठानं धम्मं संसट्ठो चित्तसंसट्ठसमुट्ठानो धम्मो उप्पज्जति हेतुपच्चया – चित्तं संसट्ठा सम्पयुत्तका खन्धा; पटिसन्धिक्खणे…पे…. (१)

चित्तसंसट्ठसमुट्ठानञ्च नोचित्तसंसट्ठसमुट्ठानञ्च धम्मं संसट्ठो चित्तसंसट्ठसमुट्ठानो धम्मो उप्पज्जति हेतुपच्चया – चित्तसंसट्ठसमुट्ठानं एकं खन्धञ्च चित्तञ्च संसट्ठा द्वे खन्धा, द्वे खन्धे…पे… पटिसन्धिक्खणे…पे…. (१) (संखित्तं.)