१. विभङ्गवारो

नहेतुपच्चयो

२८२. चित्तसंसट्ठसमुट्ठानं धम्मं पटिच्च चित्तसंसट्ठसमुट्ठानो धम्मो उप्पज्जति नहेतुपच्चया – अहेतुकं चित्तसंसट्ठसमुट्ठानं एकं खन्धं पटिच्च द्वे खन्धा, द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

चित्तसंसट्ठसमुट्ठानं धम्मं पटिच्च नोचित्तसंसट्ठसमुट्ठानो धम्मो उप्पज्जति नहेतुपच्चया – अहेतुके चित्तसंसट्ठसमुट्ठाने खन्धे पटिच्च चित्तं चित्तसमुट्ठानञ्च रूपं; अहेतुकपटिसन्धिक्खणे…पे…. (२)

चित्तसंसट्ठसमुट्ठानं धम्मं पटिच्च चित्तसंसट्ठसमुट्ठानो च नोचित्तसंसट्ठसमुट्ठानो च धम्मा उप्पज्जन्ति नहेतुपच्चया – अहेतुकं चित्तसंसट्ठसमुट्ठानं एकं खन्धं पटिच्च द्वे खन्धा चित्तञ्च चित्तसमुट्ठानञ्च रूपं, द्वे खन्धे…पे… अहेतुकपटिसन्धिक्खणे…पे…. (३)

२८३. नोचित्तसंसट्ठसमुट्ठानं धम्मं पटिच्च नोचित्तसंसट्ठसमुट्ठानो धम्मो उप्पज्जति नहेतुपच्चया – अहेतुकं चित्तं पटिच्च चित्तसमुट्ठानं रूपं; अहेतुकपटिसन्धिक्खणे चित्तं पटिच्च कटत्तारूपं, चित्तं पटिच्च वत्थु, वत्थुं पटिच्च चित्तं, एकं महाभूतं…पे… (याव असञ्ञसत्ता). (१)

नोचित्तसंसट्ठसमुट्ठानं धम्मं पटिच्च चित्तसंसट्ठसमुट्ठानो धम्मो उप्पज्जति नहेतुपच्चया – अहेतुकं चित्तं पटिच्च सम्पयुत्तका खन्धा; अहेतुकपटिसन्धिक्खणे चित्तं पटिच्च सम्पयुत्तका खन्धा, अहेतुकपटिसन्धिक्खणे वत्थुं पटिच्च चित्तसंसट्ठसमुट्ठाना खन्धा, विचिकिच्छासहगतं उद्धच्चसहगतं चित्तं पटिच्च विचिकिच्छासहगतो उद्धच्चसहगतो मोहो. (२)

नोचित्तसंसट्ठसमुट्ठानं धम्मं पटिच्च चित्तसंसट्ठसमुट्ठानो च नोचित्तसंसट्ठसमुट्ठानो च धम्मा उप्पज्जन्ति नहेतुपच्चया – अहेतुकं चित्तं पटिच्च सम्पयुत्तका खन्धा चित्तसमुट्ठानञ्च रूपं; अहेतुकपटिसन्धिक्खणे चित्तं पटिच्च सम्पयुत्तका खन्धा कटत्ता च रूपं, अहेतुकपटिसन्धिक्खणे वत्थुं पटिच्च चित्तं सम्पयुत्तका च खन्धा. (३)

२८४. चित्तसंसट्ठसमुट्ठानञ्च नोचित्तसंसट्ठसमुट्ठानञ्च धम्मं पटिच्च चित्तसंसट्ठसमुट्ठानो धम्मो उप्पज्जति नहेतुपच्चया – अहेतुकं चित्तसंसट्ठसमुट्ठानं एकं खन्धञ्च चित्तञ्च पटिच्च द्वे खन्धा, द्वे खन्धे…पे… अहेतुकपटिसन्धिक्खणे चित्तसंसट्ठसमुट्ठानं एकं खन्धञ्च चितञ्च…पे… अहेतुकपटिसन्धिक्खणे चित्तसंसट्ठसमुट्ठानं एकं खन्धञ्च वत्थुञ्च पटिच्च द्वे खन्धा, द्वे खन्धे…पे… विचिकिच्छासहगते उद्धच्चसहगते खन्धे च चित्तञ्च पटिच्च विचिकिच्छासहगतो उद्धच्चसहगतो मोहो. (१)

चित्तसंसट्ठसमुट्ठानञ्च नोचित्तसंसट्ठसमुट्ठानञ्च धम्मं पटिच्च नोचित्तसंसट्ठसमुट्ठानो धम्मो उप्पज्जति नहेतुपच्चया – अहेतुके चित्तसंसट्ठसमुट्ठाने खन्धे च चित्तञ्च पटिच्च चित्तसमुट्ठानं रूपं, अहेतुके चित्तसंसट्ठसमुट्ठाने खन्धे च महाभूते च पटिच्च चित्तसमुट्ठानं रूपं; अहेतुकपटिसन्धिक्खणे चित्तसंसट्ठसमुट्ठाने खन्धे च चित्तञ्च पटिच्च कटत्तारूपं, अहेतुकपटिसन्धिक्खणे चित्तसंसट्ठसमुट्ठाने खन्धे च महाभूते च पटिच्च कटत्तारूपं, अहेतुकपटिसन्धिक्खणे चित्तसंसट्ठसमुट्ठाने खन्धे च वत्थुञ्च पटिच्च चित्तं. (२)

चित्तसंसट्ठसमुट्ठानञ्च नोचित्तसंसट्ठसमुट्ठानञ्च धम्मं पटिच्च चित्तसंसट्ठसमुट्ठानो च नोचित्तसंसट्ठसमुट्ठानो च धम्मा उप्पज्जन्ति नहेतुपच्चया – अहेतुकं चित्तसंसट्ठसमुट्ठानं एकं खन्धञ्च चित्तञ्च पटिच्च द्वे खन्धा चित्तसमुट्ठानञ्च रूपं, द्वे खन्धे…पे… (अहेतुकपटिसन्धिक्खणे द्वेपि कातब्बा). (३)

नआरम्मणपच्चयो

२८५. चित्तसंसट्ठसमुट्ठानं धम्मं पटिच्च नोचित्तसंसट्ठसमुट्ठानो धम्मो उप्पज्जति नआरम्मणपच्चया – चित्तसंसट्ठसमुट्ठाने खन्धे पटिच्च चित्तसमुट्ठानं रूपं; पटिसन्धिक्खणे…पे…. (१)

नोचित्तसंसट्ठसमुट्ठानं धम्मं पटिच्च नोचित्तसंसट्ठसमुट्ठानो धम्मो उप्पज्जति नआरम्मणपच्चया – चित्तं पटिच्च चित्तसमुट्ठानं रूपं; पटिसन्धिक्खणे चित्तं पटिच्च कटत्तारूपं, चित्तं पटिच्च वत्थु, एकं महाभूतं…पे… (याव असञ्ञसत्ता). (१)

चित्तसंसट्ठसमुट्ठानञ्च नोचित्तसंसट्ठसमुट्ठानञ्च धम्मं पटिच्च नोचित्तसंसट्ठसमुट्ठानो धम्मो उप्पज्जति नआरम्मणपच्चया – चित्तसंसट्ठसमुट्ठाने खन्धे च चित्तञ्च पटिच्च चित्तसमुट्ठानं रूपं, चित्तसंसट्ठसमुट्ठाने खन्धे च महाभूते च पटिच्च चित्तसमुट्ठानं रूपं (पटिसन्धिक्खणे द्वे, संखित्तं). (१)