१-४. पच्चयानुलोमादि

२५५. चित्तसहभुं धम्मं संसट्ठो चित्तसहभू धम्मो उप्पज्जति हेतुपच्चया – चित्तसहभुं एकं खन्धं संसट्ठा द्वे खन्धा, द्वे खन्धे…पे… पटिसन्धिक्खणे…पे…. (१)

चित्तसहभुं धम्मं संसट्ठो नोचित्तसहभू धम्मो उप्पज्जति हेतुपच्चया – चित्तसहभू खन्धे संसट्ठं चित्तं; पटिसन्धिक्खणे…पे…. (२)

चित्तसहभुं धम्मं संसट्ठो चित्तसहभू च नोचित्तसहभू च धम्मा उप्पज्जन्ति हेतुपच्चया – चित्तसहभुं एकं खन्धं संसट्ठा द्वे खन्धा चित्तञ्च, द्वे खन्धे…पे… पटिसन्धिक्खणे…पे…. (३)

२५६. नोचित्तसहभुं धम्मं संसट्ठो चित्तसहभू धम्मो उप्पज्जति हेतुपच्चया – चित्तं संसट्ठा सम्पयुत्तका खन्धा; पटिसन्धिक्खणे…पे…. (१)

चित्तसहभुञ्च नोचित्तसहभुञ्च धम्मं संसट्ठो चित्तसहभू धम्मो उप्पज्जति हेतुपच्चया – चित्तसहभुं एकं खन्धञ्च चित्तञ्च संसट्ठा द्वे खन्धा, द्वे खन्धे च…पे… पटिसन्धिक्खणे…पे… (संखित्तं). (२)

हेतुया पञ्च, आरम्मणे पञ्च (सब्बत्थ पञ्च), अविगते पञ्च.

अनुलोमं.

नहेतुया पञ्च (तीणि, मोहो), नअधिपतिया पञ्च, नपुरेजाते पञ्च, नपच्छाजाते पञ्च, नआसेवने पञ्च, नकम्मे तीणि, नविपाके पञ्च, नझाने पञ्च, नमग्गे पञ्च, नविप्पयुत्ते पञ्च.