५. संसट्ठवारो

१-४. पच्चयानुलोमादि

२०८. चित्तसमुट्ठानं धम्मं संसट्ठो चित्तसमुट्ठानो धम्मो उप्पज्जति हेतुपच्चया – चित्तसमुट्ठानं एकं खन्धं संसट्ठा द्वे खन्धा, द्वे खन्धे…पे… पटिसन्धिक्खणे…पे…. (१)

चित्तसमुट्ठानं धम्मं संसट्ठो नोचित्तसमुट्ठानो धम्मो उप्पज्जति हेतुपच्चया – चित्तसमुट्ठाने खन्धे संसट्ठं चित्तं; पटिसन्धिक्खणे…पे…. (२)

चित्तसमुट्ठानं धम्मं संसट्ठो चित्तसमुट्ठानो च नोचित्तसमुट्ठानो च धम्मा उप्पज्जन्ति हेतुपच्चया – चित्तसमुट्ठानं एकं खन्धं संसट्ठा द्वे खन्धा चित्तञ्च, द्वे खन्धे…पे… पटिसन्धिक्खणे…पे…. (३)

२०९. नोचित्तसमुट्ठानं धम्मं संसट्ठो चित्तसमुट्ठानो धम्मो उप्पज्जति हेतुपच्चया – चित्तसंसट्ठा सम्पयुत्तका खन्धा; पटिसन्धिक्खणे…पे…. (१)

चित्तसमुट्ठानञ्च नोचित्तसमुट्ठानञ्च धम्मं संसट्ठो चित्तसमुट्ठानो धम्मो उप्पज्जति हेतुपच्चया – चित्तसमुट्ठानं एकं खन्धञ्च चित्तञ्च संसट्ठा द्वे खन्धा, द्वे खन्धे…पे… पटिसन्धिक्खणे…पे… (संखित्तं). (१)

हेतुया पञ्च, आरम्मणे पञ्च (सब्बत्थ पञ्च), अविगते पञ्च.

चित्तसमुट्ठानं धम्मं संसट्ठो चित्तसमुट्ठानो धम्मो उप्पज्जति नहेतुपच्चया (पञ्च पञ्हा कातब्बा. तीणि. मोहो).

नहेतुया पञ्च, नअधिपतिया पञ्च, नपुरेजाते पञ्च, नपच्छाजाते पञ्च, नआसेवने पञ्च, नकम्मे तीणि, नविपाके पञ्च, नझाने पञ्च, नमग्गे पञ्च, नविप्पयुत्ते पञ्च.