१. विभङ्गवारो

नहेतुपच्चयो

१९३. चित्तसमुट्ठानं धम्मं पटिच्च चित्तसमुट्ठानो धम्मो उप्पज्जति नहेतुपच्चया – अहेतुकं चित्तसमुट्ठानं एकं खन्धं पटिच्च द्वे खन्धा चित्तसमुट्ठानञ्च रूपं, द्वे खन्धे…पे… अहेतुकपटिसन्धिक्खणे चित्तसमुट्ठानं एकं खन्धं पटिच्च द्वे खन्धा, द्वे खन्धे…पे… चित्तसमुट्ठानं एकं महाभूतं…पे… महाभूते पटिच्च चित्तसमुट्ठानं रूपं उपादारूपं, विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

चित्तसमुट्ठानं धम्मं पटिच्च नोचित्तसमुट्ठानो धम्मो उप्पज्जति हेतुपच्चया – अहेतुके चित्तसमुट्ठाने खन्धे पटिच्च चित्तं; अहेतुकपटिसन्धिक्खणे चित्तसमुट्ठाने खन्धे पटिच्च चित्तं कटत्ता च रूपं. (२)

चित्तसमुट्ठानं धम्मं पटिच्च चित्तसमुट्ठानो च नोचित्तसमुट्ठानो च धम्मा उप्पज्जन्ति नहेतुपच्चया – अहेतुकं चित्तसमुट्ठानं एकं खन्धं पटिच्च द्वे खन्धा चित्तञ्च चित्तसमुट्ठानञ्च रूपं, द्वे खन्धे…पे… अहेतुकपटिसन्धिक्खणे…पे…. (३)

१९४. नोचित्तसमुट्ठानं धम्मं पटिच्च नोचित्तसमुट्ठानो धम्मो उप्पज्जति नहेतुपच्चया – अहेतुकपटिसन्धिक्खणे चित्तं पटिच्च कटत्तारूपं, चित्तं पटिच्च वत्थु, वत्थुं पटिच्च चित्तं, एकं महाभूतं…पे… (याव असञ्ञसत्ता कातब्बा). (१)

नोचित्तसमुट्ठानं धम्मं पटिच्च चित्तसमुट्ठानो धम्मो उप्पज्जति नहेतुपच्चया – अहेतुकं चित्तं पटिच्च सम्पयुत्तका खन्धा चित्तसमुट्ठानञ्च रूपं; अहेतुकपटिसन्धिक्खणे चित्तं…पे… अहेतुकपटिसन्धिक्खणे वत्थुं पटिच्च चित्तसमुट्ठाना खन्धा, विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (२)

नोचित्तसमुट्ठानं धम्मं पटिच्च चित्तसमुट्ठानो च नोचित्तसमुट्ठानो च धम्मा उप्पज्जन्ति नहेतुपच्चया – अहेतुकपटिसन्धिक्खणे चित्तं पटिच्च सम्पयुत्तका खन्धा कटत्ता च रूपं; अहेतुकपटिसन्धिक्खणे वत्थुं पटिच्च चित्तं सम्पयुत्तका खन्धा च. (३)

१९५. चित्तसमुट्ठानञ्च नोचित्तसमुट्ठानञ्च धम्मं पटिच्च चित्तसमुट्ठानो धम्मो उप्पज्जति नहेतुपच्चया – अहेतुकं चित्तसमुट्ठानं एकं खन्धञ्च चित्तञ्च पटिच्च द्वे खन्धा चित्तसमुट्ठानञ्च रूपं, द्वे खन्धे…पे… अहेतुकपटिसन्धिक्खणे चित्तसमुट्ठानं एकं खन्धञ्च चित्तञ्च पटिच्च द्वे खन्धा, द्वे खन्धे…पे… अहेतुकपटिसन्धिक्खणे चित्तसमुट्ठानं एकं खन्धञ्च वत्थुञ्च पटिच्च द्वे खन्धा, द्वे खन्धे…पे… विचिकिच्छासहगते उद्धच्चसहगते खन्धे च चित्तञ्च पटिच्च विचिकिच्छासहगतो उद्धच्चसहगतो मोहो. (१)

चित्तसमुट्ठानञ्च नोचित्तसमुट्ठानञ्च धम्मं पटिच्च नोचित्तसमुट्ठानो धम्मो उप्पज्जति नहेतुपच्चया – अहेतुकपटिसन्धिक्खणे चित्तसमुट्ठाने खन्धे च चित्तञ्च पटिच्च कटत्तारूपं; अहेतुकपटिसन्धिक्खणे चित्तसमुट्ठाने खन्धे च महाभूते च पटिच्च कटत्तारूपं, अहेतुकपटिसन्धिक्खणे चित्तसमुट्ठाने खन्धे च वत्थुञ्च पटिच्च चित्तं. (२)

चित्तसमुट्ठानञ्च नोचित्तसमुट्ठानञ्च धम्मं पटिच्च चित्तसमुट्ठानो च नोचित्तसमुट्ठानो च धम्मा उप्पज्जन्ति नहेतुपच्चया – अहेतुकपटिसन्धिक्खणे चित्तसमुट्ठानं एकं खन्धञ्च चित्तञ्च पटिच्च द्वे खन्धा कटत्ता च रूपं, द्वे खन्धे…पे… अहेतुकपटिसन्धिक्खणे चित्तसमुट्ठानं एकं खन्धञ्च वत्थुञ्च पटिच्च द्वे खन्धा चित्तञ्च, द्वे खन्धे…पे…. (३)

नआरम्मणपच्चयो

१९६. चित्तसमुट्ठानं धम्मं पटिच्च चित्तसमुट्ठानो धम्मो उप्पज्जति नआरम्मणपच्चया – चित्तसमुट्ठाने खन्धे पटिच्च चित्तसमुट्ठानं रूपं, चित्तसमुट्ठानं एकं महाभूतं…पे… महाभूते पटिच्च चित्तसमुट्ठानं रूपं, उपादारूपं. (१)

चित्तसमुट्ठानं धम्मं पटिच्च नोचित्तसमुट्ठानो धम्मो उप्पज्जति नआरम्मणपच्चया – पटिसन्धिक्खणे चित्तसमुट्ठाने खन्धे पटिच्च कटत्तारूपं. (२)

१९७. नोचित्तसमुट्ठानं धम्मं पटिच्च नोचित्तसमुट्ठानो धम्मो उप्पज्जति नआरम्मणपच्चया – पटिसन्धिक्खणे चित्तं पटिच्च कटत्तारूपं, चित्तं पटिच्च वत्थु, एकं महाभूतं…पे… (याव असञ्ञसत्ता). (१)

नोचित्तसमुट्ठानं धम्मं पटिच्च चित्तसमुट्ठानो धम्मो उप्पज्जति नआरम्मणपच्चया – चित्तं पटिच्च चित्तसमुट्ठानं रूपं. (२)

चित्तसमुट्ठानञ्च नोचित्तसमुट्ठानञ्च धम्मं पटिच्च चित्तसमुट्ठानो धम्मो उप्पज्जति नआरम्मणपच्चया – चित्तसमुट्ठाने खन्धे च चित्तञ्च पटिच्च चित्तसमुट्ठानं रूपं, चित्तञ्च महाभूते च पटिच्च चित्तसमुट्ठानं रूपं. (१)

चित्तसमुट्ठानञ्च नोचित्तसमुट्ठानञ्च धम्मं पटिच्च नोचित्तसमुट्ठानो धम्मो उप्पज्जति नआरम्मणपच्चया – पटिसन्धिक्खणे चित्तसमुट्ठाने खन्धे च चित्तञ्च पटिच्च कटत्तारूपं; पटिसन्धिक्खणे चित्तसमुट्ठाने खन्धे च महाभूते च पटिच्च कटत्तारूपं (संखित्तं). (२)